雖然娜姐近日減少性感，但其宣傳照造型卻盡把身材優點表露出來，只見其40吋長腿白淨又滑溜，最堅挺是其招牌事業線又長又深，加上一身白色打扮配以烈燄紅唇，難怪娜姐得戚地說：「問唐三藏點忍？其實依家仲等緊我心目中嘅唐三藏，我唔會食咗佢，只想同佢取西經啫，希望孫悟空唔介意。」

娜姐谷胸兼騷白滑長腿，男士見到都噴血。

陳偉成

問是否已寄情工作？她說：「我不嬲十分投入工作，雖然依家我個造型係白骨精，我都算係最肥嘅白骨精，大家唔好再話我暴瘦喇！」對於Avis再爆與Mia的疑似床照，娜姐似乎已對他完全死心，沒好氣地說：「件事都過咗去，佢點都好啦，問番當事人啦，唔關我事！」

至於Avis昨日接受本報電話訪問時，被問到又有床照流出，他繼續閂閘，費事講多錯多：「唔回應喇，唔關我同周小姐嘅嘢就唔想再講，希望回復心情先算！」他坦言現在的心情既低落又失落，導致多晚失眠，他說：「希望大家畀啲空間我，等我搞好同周小姐啲嘢先。」言下之意是否與娜姐仍有關係，他說：「唔係，只係講恢復心情嗰啲。」隨即匆匆掛線！此外，Mia昨晚於微博表示，最討厭在網上搞事的人。