陳慧琳（Kelly）昨日偕組合Super Girls、薛家燕及一班DJ出席新城新春團拜，司儀在台上祝Kelly「添丁發財」，但她耍手，笑言不再追B，但發財「OK」。提到近日有傳她到台灣養卵追女，她即否認：「暫時Handle唔到，遲啲有意外就唔知。」她透露老公與細仔「小龍包」出街，因為囝囝有一把長髮而被指似女仔：「我想佢留長啲頭髮『攝』喺耳仔後面，唔使成日幫佢剪。」她表示情人節與家人食飯，自從生BB後甚少與老公二人世界。而日前Kelly到無綫拍節目時自爆，囝囝外出見到她的海報，亦只會被旁邊的卡通海報吸引。
Super Girls恨被圍
團拜進行期間，Super Girls與DJ分成兩隊鬥食小籠包，最後由DJ隊勝出，而昨日是Super Girls過年後首日開工，適逢隊長Aka牛一，她表示會與朋友BBQ慶祝，而成員Heidi同為二月壽星，五女表示會一起慶祝，又笑言今年首次派利是：「好似結咗婚咁，頭先見Kelly派利是好多人圍住，希望有一日我哋派利是都有咁多人圍住！」
而家燕姐透露剛剛從美國返港，對於今年無綫豪派大利是，她說：「有利是派係好事，幾錢都唔係問題，最緊要係見到公司關注員工福利。」
潮媽Kelly一向恨追女，但竟然轉軚表示「兩個夠晒數」！
Kelly與一眾藝人及DJ影大合照，場面熱鬧。
Super Girls比賽食小籠包時搏老命！
家燕姐派利是，群情洶湧。