小軒 |
| |||
| |||
| |||
| |||
|
誠昌飯店 生猛大龍利水蟹粥 新春期間，澳氹各區諸多食肆關門大吉，一衆街坊同旅客搵食難。不過氹仔舊城區，人流不減，皆因誠昌飯店等依舊開門迎客，酌量加收少少，難怪乎食客絡繹不絕。 老闆為添新意，近期增加新菜，當中的清蒸生猛大龍利値得一試，近期日銷二十多條。此龍利生活於珠三角沿海水域，每條重約一斤四両，足二十吋長，夠大、夠生猛，價錢唔貴，食過都話抵。 幫襯誠昌，怎能不“柯打”馳名水蟹粥？此粥貴乎鮮，蟹黃、蟹膏和蟹肉完全融於粥內，綿滑而有蟹味。鄰埠明星來澳必試，更有飮食節目有意拍錄成特輯推介，助其名氣更上一層樓。荷葉蒸雞、豉汁蒸大鱔、黃金炒大膏蟹、瑤柱扒西蘭花、金沙大蝦及瑤柱扒豆腐、脆炸鯪魚球、脆炸墨魚丸等，同屬招牌菜，風味十足。 |
