小花俠論壇 - Powered by Discuz! Board

標題: 露雲娜出山再戰樂壇 [打印本頁]

作者: 小魔女 時間: 2013-4-14 22:19 標題: 露雲娜出山再戰樂壇

「千年女王」露雲娜強勢回歸樂壇，不但大晒獎座及金唱片銷量，收拾告別樂壇26年的失地，更以行動證明與當年一樣Fit爆，單挑一眾樂壇生力軍！
年僅5歲便入行的露雲娜（Rowena）當年在歌唱比賽中KO溫拿樂隊奪冠，13歲打破金唱片銷量，並曾獲國際巨星Elton John為她作曲，獎座及獎狀可放滿數張麻雀枱，「七十年代少女偶像」之名實在當之無愧！當年Rowena年紀輕輕便與歌后鄧麗君及許冠傑等巨星成為好友，她表示未有因而自傲：「細個見到咁多哥哥姐姐，我冇諗過佢哋嘅身份，淨係覺得佢哋都係鍾意唱歌咋！不過諗番以前，我都覺得『又真係幾勁喎！』不過有時又會覺得嗰個唔係自己。」
為男人萌退意
Rowena當年紅遍全亞洲，更囊括日本「最佳新人獎」，她直言日本粉絲的熱情令她感到意外：「當時先第二次去日本，點知一落機就見到一大塊Banner 歡迎我，冇諗過一個妹妹仔都可以有咁大影響力，真係受寵若驚！」憑着鬼妹仔外形，她輕易俘虜了一眾少男的心，但在24歲時卻為了男人而告別樂壇：「做咗咁多年嘢，我覺得攰，加上當時我遇到前夫，想擁有家庭生活，所以就決定退出。」
闊別樂壇26年，Rowena一直低調地生活，一心相夫教子，幾乎斷絕與所有圈中人的來往，即使出街遇上歌迷亦不會相認。不過，其好友賈思樂及陳奕迅卻力邀她出山，令她重新感受到上台唱Live的熱誠，隨即挑起她復出的欲望，不但有意出碟，更想開演唱會！「初時我想拒絕賈思樂同陳奕迅，不過一入到錄音室唱歌，直頭Feel到全身嘅細胞都跟住節奏郁，我嘅Spirit好似飛咗上天咁！我當時就同自己講：『點可以唔唱歌，我真係好鍾意唱歌！』」

不少歌手都未見過金唱片獎座，但露雲娜年僅13歲便奪得首張金唱片。

闊別樂壇26年，Rowena決定重出江湖，挑戰一眾新人。

歡迎光臨小花俠論壇 (http://disanna.com/)