標題:
老陳秘店搵食 過江搶黑豆沙月：澳門
[打印本頁]
作者:
山道♂飄移
時間:
2011-9-6 17:40
標題:
老陳秘店搵食 過江搶黑豆沙月：澳門
香港人最愛捐窿捐罅搵嘢食，但面對澳門的橫街窄巷亦惟有舉手投降。幸好小記今次找來飲食達人老陳帶路，由早到晚掃勻舊區名不經傳的平民美食，想食好嘢，唔一定要去酒店！
8:00am 八月十三前沽清
「如果以為自己已食勻澳門，那就大錯特錯！」為報章、網站寫飲食的專欄食家老陳成日四圍發掘好味食肆，今次帶我們到紅街市旁的「鳳凰餅家」試玫瑰黑豆沙月餅，這家族經營餅家已經有逾 42年歷史，老闆光哥笑言每日清晨 3、4時已準備製餅，全部餅類不含防腐劑，不放過夜，保證新鮮。而伍仁甜肉月餅更是招牌貨，用上欖仁、麻仁、糖冬瓜、杏仁及瓜子，入口有嚼勁，而model Anisa就勁 buy少少甜的玫瑰黑豆沙月，食晒一個都唔覺膩，不過想食就要趁早，因為平均農曆八月十三左右就已經賣完，手快有手慢無！
■基本上全日都有月餅出爐，保證新鮮。
■每次月餅出爐時，店門都會快閃出一條買餅人龍。
■老闆光哥（左二）一家凌晨 3點就起身整餅，捱到個個金睛火眼。（ a）
■日賣逾百個的玫瑰黑豆沙月餅甜而不膩，每個$27。（ a）
a.鳳凰餅家
地址：羅約翰神父街 3號
營業時間： 07:00-17:30
電話：（ 853） 2821 0766
前往方法：紅街市滙豐銀行旁小巷直入
11:00am 爆汁豬扒滿油香
左看右看這家綠色門面的茶餐廳沒啥特別，但從早上11時起，店內長期門庭若市。小記等人不過來遲一步，老陳極力推介的蛋撻經已賣清光，惟有改點自家製豬扒包，咬落去豬扒肉汁四濺，而包身亦沾滿油香，不輸澳門幾家著名豬扒包餐廳。另外點的菠蘿油，那塊牛油早就在中間溶化，遠遠都能聞到其香味，配上一杯茶味特濃的凍奶茶，門口又有傳統西餅任你帶走，Anisa都忍唔住大叫：「好滿足！」
■雖然包點份量唔算大，但女仔要飽肚仍綽綽有餘。
■睇佢人仔細細，三扒兩撥後連湯都飲埋，約$19（ b）
■牛油於菠蘿包中溶化，釋放陣陣香味，每個$6.5。
■豬扒包肉汁四濺，每個$16
b.新鴻發咖啡美食
地址：賈伯樂 55號
營業時間： 06:00-18:00
電話：（ 853） 2853 0432
3:30pm 嘆咖啡機冲奶茶
■由於人人都點熱機茶的關係，店員冲茶冲到手軟，每杯$12。
小記向來對連鎖餐廳沒甚麼好感，來到檀香山咖啡門前已經想打退堂鼓，連Anisa都忍唔住問老陳：「點解帶我們食連鎖餐廳？」答案原來是為了嘆杯機製熱奶茶。檀香山咖啡賣咖啡已經有60年，但無啦啦轉行賣奶茶又得唔得？店員首先向杯中噴泡，然後放在蒸餾機下等奶茶從機身導管慢慢流出，「咦，乜咁似冲咖啡？」看清楚發現店員是用冲Espresso的咖啡機壓茶葉，所以奶茶表面有一層泡沫，但茶味略淡。午餐必食牛脷意粉，蒜茸汁滲入牛脷之中，口感一流。
■用咖啡機來冲奶茶，你又見過未？
■一邊嘆熱機茶一邊食葡腸包，就這樣已經可以消磨整個下午。
c.檀香山咖啡（盧九分店）
地址：羅利老馬路 12號 G座
營業時間： 08:30-19:00
電話：（ 853） 2858 4339
4:30pm 狂食$10芝士蛋糕
■由於餅房每日只會出餅一次，所以有些餅款如濃芝士蛋糕等未到下午就售罄。
雖然酒店餅房出品質素通常有保證，但坊間亦有唔少餅店的西餅質素可以與之睇齊，如雪利斯薄脆就是其中之一。西餅每日從工場新鮮製造，大約11時就已送到分店，不過個別款式如濃芝士蛋糕等幾乎即時沽清，明天請早。店內最好賣的是大大件拿破崙蛋糕，蛋糕份量十足，其中又混有芒果，要兩個女生才吃得完，所以日賣逾百件。日式芝士蛋糕軟硬適中，唔似坊間某些店舖一碰即爛，一件只不過是$10，食多幾件都唔肉赤。
■女人果然有兩個胃，有品食就永遠唔覺飽。（ d）
■軟硬適中的日式芝士蛋糕，每件$10。
d.雪利斯薄脆
地址：羅利老馬路 22號 B榮慶大廈地下
營業時間： 06:30-20:30
電話：（ 853） 2852 8314
8:00pm 賭場嘆得獎中菜館
既然過大海，無理由唔去賭場玩兩手，即使賭場內有唔少餐廳，但能稱得上「好食」的選擇其實唔多。早幾年贏得世界金廚大賽「特金獎」的回力美食中心就藏於回力場旁邊，雖然無金碧輝煌的招牌，但菜式花臣多，如獲獎的罐燜牛肋肉，混入高麗參的醬汁熬足十多小時，再與牛肋肉一齊燜至腍身，牛肉味濃，Anisa不經不覺都食咗幾件。嗜海鮮者必試家鄉蘿蔔糕炒奄仔蟹，除蟹膏外，蘿蔔糕中還有條條蘿蔔絲。相對而言，茄子釀咕嚕肉就更考功夫，大廚將五花肉釀在茄子中再掃上蛋漿炸至金黃，味道仲帶點清新！
■面對巧手小菜，老陳（左）和 Anisa都食指大動。
■得獎的罐燜牛肋肉肉味香濃，例牌$98/4件。
e.回力美食中心
地址：新口岸回力球場地下及閣樓
營業時間： 11:00-04:00
電話：（ 853） 2872 5222
1:00am 消夜怒呷糯米酒
■老闆娘紅姐自家製糯米酒，內裏有浸足 3個月的竹絲雞蛋，有緣先有得食。
唔經唔覺已玩足一日，上船返香港前當然要來個最後衝刺！我們一行數人立即飛的去黑沙灣食消夜，豈料司機話不懂去永華街，準備下車時他反問我們：「係咪去石獅？」石獅美食原來已是地標，認真誇張。雖然天氣仍然酷熱，但人人都叫秘製糯米酒雞煲，食客可將走地雞放進煲中，名副其實是食幾多落幾多。白灼螄蚶更是小記心水之選，因為螄蚶在滾水中開殼後便即時撈起上碟，配以特製辣汁，盡顯鮮味！而老闆紅姐自家釀製的糯米酒，入口暖意四溢，最後小記都忍唔住買咗幾支返香港做手信。
■食消夜又點少得糯米酒雞煲，每煲$128。
■老闆紅姐為人和善，與食客打成一片。（ f）
澳門大西洋銀行由九十年代起先後五度推出新鈔，除面額 50元紙幣外，其餘面額鈔票大多於 05年改印上大西洋銀行大廈圖案。 50元鈔票最終於 09年改版，正反面分別為大西洋銀行大廈及西灣大橋。
Travel Memo
持香港居民身份證毋須簽證。
澳門駐港旅遊局： 2838 8680ZAIA
門票連船飛套票，包A區座位門票及金光飛航來回港澳船飛，套票價$888起，小童$488起。
查詢： 3128 8288
240V，三扁腳插座
1港元約兌1.03澳門幣（文中價錢已折算港元）
下周短暫時間有陽光， 26-32℃
■鳳凰餅家月餅多達十餘款，總有一款啱你口胃。
作者:
山道♂飄移
時間:
2011-9-6 17:44
百萬鋼琴前買醉 $12,500一口威士忌
仲同人講去氹仔食豬扒包咁 out？去得氹仔，梗係要搶先睇最新《 ZAIA》演出，然後去銀河試勻清酒威士忌先夠潮！
ZAIA舞獅踩波無冷場
既唔想入賭場搏殺，又唔想四圍走流住汗搵食，不如留在威尼斯人睇全新演繹的《ZAIA》，故事雖與上次差唔多，講小女孩夢遊太空，然後尋找自我。不過太陽劇團今次加入唔少新角色元素，包括有挑戰人體極限，結合芭蕾舞及雜技於一身的「手牽手」等亦看得觀眾目瞪口呆。值得一提是劇團首度加入中國元素，如會踩波的舞獅你又見過沒有？90分鐘內幾乎無任何冷場，完場時更人人企身拍掌，連某大時裝雜誌總編輯都大聲讚好。
■首次加入舞獅吸引內地客。
■《 ZAIA》一向都玩大堆頭大製作，今次都唔例外。
g.《 ZAIA》
地址：威尼斯人度假村
票價：成人$388起， 2-12歲小童$194起
查詢：
http://www.cirquedusoleil.com
水晶長廊人自醉
■四款精選雞尾酒分別用上清酒及綠茶酒做 base，每杯由$65至$80。（ h）
顧名思義，水晶鋼琴主打的是澳門只此一台、價值逾百萬元的鋼琴，還有liveband演奏，配合十多米長的水晶長廊及窗外夜景，果然酒未醉人人自醉，再嚐用日本清酒調製的特色雞尾酒，如味濃郁的 Asiansour及Sakerinha，味道清新的綠茶酒 Green tea spritzer，唔覺唔覺飲咗幾杯。
■場內美女如雲，一杯 Sakerinha已經足以打開整晚的話題。
■水晶長廊及酒櫃形成色彩繽紛的奇幻空間。
h.水晶鋼琴
地址：大倉酒店 28樓
營業時間： 17:00-01:00
電話：（ 853） 8883 5109
$150教飲 5款清酒
■清酒體驗可一次過品嚐 5種清酒，約$150。（ i）
清酒盃只有20個座位，但卻放滿日式酒桶、紙傘等，讓人如置身在日本庭園，咦，Anisa呢？她一早就走到吧枱請擁有日本國內資格的品酒師教她飲清酒，只需$150就可以一次過品嚐日本山口縣、宮城縣、新潟縣、長野縣及京都府的5款清酒，因為產地及技術不同，層次豐富，而且更有精選的一口小食來助酒，連Anisa都飲到唔願走。
i.清酒盃
地址：大倉酒店 2樓 202
營業時間： 15:00-23:00
電話：（ 853） 8883 5125
威廉大婚威士忌
來到全球首間麥卡倫威士忌吧，到處洋溢傳統蘇格蘭風，一邊嚐威士忌，一邊欣賞酒櫃收藏逾百陳年佳釀，如以皇儲查理斯及戴安娜王妃、威廉王子及凱蒂出生年份的單一純威士忌調和而成的大婚紀念酒款，以及極罕有的 Glenlivet 70年等。而提供試飲、味道偏甜的 40年 Glenlivet，oneshot盛惠$12,500，真係身份的象徵。
■調酒師 Jay會用廣東話同你介紹威士忌。（ j）
j.麥卡倫威士忌吧
地址：銀河酒店 2樓 203
營業時間：星期日至四： 17:00-01:00、星期五至六及公眾假期： 17:00-02:00
電話：（ 853） 8883 2221
■ Anisa搏命試清酒，試到企都企唔穩。
歡迎光臨 小花俠論壇 (http://disanna.com/)
Powered by Discuz! 7.2
