小花俠論壇 - Powered by Discuz! Board

標題: 莊思敏嘆o靚模為禍細路女「胸」談將來 [打印本頁]

作者: lwl2007 時間: 2011-9-7 13:21 標題: 莊思敏嘆o靚模為禍細路女「胸」談將來

o靚模當道，令莊思敏對模界萌生去意，即使轉型當演員，仍於電影圈狹路再相逢，她揚言與「着得衫多會爆炸」的模路線不同，絕不讓步，還驚嘆時下細路已深受風影響！

今年我東山再起，簽約王晶旗下。加入電影圈，一方面係鍾意演戲，另一方面有感香港模特兒嘅生存空間愈來愈細。

我堅係覺得如果香港繼續有o靚模，就唔會再有模特兒，因為有潛質、有條件嘅人會被嚇怕，怕畀人冠上「o靚模」呢個名。依家好多人有個錯誤觀念，以為o靚模係做模特兒嘅捷徑，只要着少啲衫就得，其實做模特兒係去演繹件衫、去Sell件衫，唔係Sell自己。

老實講，我唔會當o靚模係模特兒。其實呢個都係供求問題，惟有睇吓幾時啲宅男唔再宅，唔再覺得對住個胸影相會開心囉！我有個朋友嘅女，得8、9歲，已經研究「岩石胸」、「不倒胸」、「血管胸」，仲問：「唔知將來我個係咩胸？」你話幾驚！

暗嘲着得衫多會爆炸

雖然依家拍電影都會遇到o靚模，不過大家戲路唔同，唔會對我有影響。佢哋做嘅角色我唔會做，因為佢哋嘅角色設定都係着得好少衫，可能着得太多衫會爆炸啦（呢句講笑）！

不過，我唔會為咗避佢哋而放棄機會，如果你問：「部戲會唔會因為o靚模而Cheap咗？」呢個係投資者同導演考慮嘅因素，唔到我評論，我只會做好自己嘅角色。

暫時喺影圈發展咗半年，參與過幾部電影，雖然只係做三、四線為主，但唔會難受，亦冇諗住畀個限期自己，話晒我喺電影圈係新人，覺得以新人嚟講，現時發展算唔錯。

同模特兒比較，我反而覺得做演員舒服啲，因為有助手幫忙，做模特兒要自己一腳踢，而且拍戲以來，我未試過畀導演鬧，應該算係好好彩。

莊思敏驚嘆現時「乜胸物胸」當道的市場，絕對影響下一代。

轉戰影壇的莊思敏（左），自覺發展不俗，她曾與呂慧儀攬頭攬頸一同性感谷戲。

莊思敏不時要與Jeana及趙碩之(圖右)等o靚模於工作上碰頭。

Jeana(圖左)

歡迎光臨小花俠論壇 (http://disanna.com/)