小花俠論壇 - Powered by Discuz! Board

標題: 復出無期　繼續師奶生活彭羚掃特價衫慳到盡 [打印本頁]

作者: 藍月亮 時間: 2014-3-15 14:57 標題: 復出無期　繼續師奶生活彭羚掃特價衫慳到盡

彭羚（Cass）早前現身好友黃偉文的作品演唱會，更連續多晚擔任表演嘉賓，看過的人個個對Cass的表現有讚無彈，證明她寶刀未老，更傳聞有公司出重金禮聘她復出。不過Cass至今依然享受她的師奶生活，間中更會一個人揸車到銅鑼灣做Facial兼Shopping，日前Cass就一個人走到時裝超市UNIQLO掃特價貨。
　　文：陸宜圖：錢文坤
　　有「商台家嫂」之稱的彭羚（Cass），當年事業如日方中，卻突然被DJ林海峰私有化。婚後便淡出娛樂圈Cass，生活同時變得低調，閒時只會見她到銅鑼灣Shpopping。早前填詞人黃偉文（Wyman）舉行自己作品的演唱會，力邀彭羚出山相助，Cass義不容辭一連做了多晚的表演嘉賓，還獲得一致好評。當時已傳聞Cass有意復出樂壇，但老公林海峰火速否認其事，事實亦證明Cass始終最愛過自己的師奶生活。
　　品味樸素
　　日前，Cass於銅鑼灣耀華街一幢大廈出現，當時一身低調便服，急步前往時代廣場方向。記者以為她急於接女放學，豈料她一個轉身就走到利舞臺的平民時裝店UNIQLO旗艦店掃貨。Cass甫進店內，便跟其他師奶一樣，將注意力放在特價貨的攤位上，快速檢閱一輪才埋首揀其他衫。她先走到推介貨品前揀褲，細心挑選後便揀了一條二百元的啡色長褲，再走到另一邊揀百多元的長袖衣，睇完灰色又睇白色，揀完又揀，又細看價錢，最後還是買了灰色，貫徹一向樸素低調的作風，埋單找數都係三百多元。
　　自備環保袋
　　其實，正當Cass埋頭忙碌揀衫期間，曾有其他客人認出她來，更站在她旁邊注視一番，但Cass不加理會，只顧自己揀衫，但最後只睇中了一條褲及一件衫，走到櫃枱前排隊埋單。Cass付完款便隨手在袋中取出一個環保袋載起戰利品，順道可以減省店員的工作，這位媽媽認真體貼兼細心。

歡迎光臨小花俠論壇 (http://disanna.com/)