| 金香火鍋海鮮食得招積 月 兒 |
| |||
| |||
| |||
| |||
| |||
| |||
|
金香火鍋海鮮食得招積 澳門人越食越叻，越食越刁鑽，食肆冇返咁上下眞係唔敢隨便開業。新口岸金龍中心（原珠光大廈）新開的金香海鮮火鍋酒家專攻“了能”嘢，部分更是全澳獨一無二，包你食得過癮。 論刺身，三文魚、呑拿魚已經食厭，識得游水的牡丹蝦又試過未？加拿大空運經香港抵澳的大大隻牡丹蝦，極富彈性，鮮爽無比，甘甜濃郁，與冷藏的口感差天共地，全澳只此一家！還未夠喉，整多份日本A5和牛刺身，香脂慢慢融化在口的感覺，的確一流。 話明多花臣，金香的打邊爐也相當抵死，番茄豬骨、皮蛋芫荽已經落伍，金香誠意特製用雞腳、翅骨熬成濃汁的“鯊魚翅骨湯”、以及秘製牛汁湯底，食完裡面的牛腩、牛蒡、金錢肚後，來多碟沖繩和牛，加入全人工手製的四寳丸、菜肉餃，材料正宗，豐儉由人。 耍家本領不絕於此，傳說中比東星斑更加好食的游水剝皮牛，百聞不如一見，只可惜有錢都未必食得到，就要睇閣下的彩數了，要想食了能刁鑽食材，到店前不妨致電一問。金香泊車方便，位置易搵，晩飯宵夜的首選。 |