標題: Lynn做第一個「城客」 [打印本頁]

---

作者: lwl2007    時間: 2011-9-22 13:18     標題: Lynn做第一個「城客」

前晚郭富城及熊黛林（Lynn）分別出席活動打對台，Lynn表示渴望和城城一同出席活動，並揚言恨生仔！至於獲贈電單車的城城，考慮讓Lynn成為首位乘客。

前晚出席電單車活動的城城獲贈一輛電單車，他表示未有電單車牌，問到女友熊黛林是否首個乘客，他說：「架車坐唔到兩個！（可以改裝座位？）哈！考慮吓！」

而Lynn昨日谷胸上陣出席SkinCeuticals spa活動，跟現場小朋友又玩又笑。自言想做媽咪的她說：「我好鍾意小朋友，呢啲恨又恨唔到，要睇緣分，如果緣分到，個天會畀呢份禮物我。（想生一仔一女？）咁樣好啲，我都有哥哥，可以幫我出頭同有被保護嘅感覺。」

對於城城可讓她做電單車乘客，Lynn勸他沒有電單車牌就不要駕駛：「佢係守法公民，我好細膽又冇坐過電單車，全身要有好似Ironman嘅裝備，或者揸到好慢先得。」提到城城讓她做首位乘客，她又會否獻出「第一次」生仔？Lynn即尷尬掩嘴兼拎頭！

期待合作

另外，Lynn前晚佩戴全場最貴、總值接近三百萬元的鑽飾出席《Diamond in the Sky, Hong Kong》國際慈善晚宴，活動聯合籌委會主席周大福集團副董事長鄭家純及其父親鄭裕彤等都有出席。對於與城城打對台，問到有否商量一起出席活動？Lynn說：「大家有共識，唔需要特別商量。（情侶檔收貴啲？）唔係睇工作而收貴，如果個工作可以增值自己都會出。如果個名唔係情侶檔，係合作，就好渴望。」

                                                                                                                                             
熊黛林大騷三吋事業線，她表示希望可以靜靜地度過下月的生日。


                                                                                                              
城城表示會考慮為Lynn改裝電單車。

---

歡迎光臨 小花俠論壇 (http://disanna.com/)

Powered by Discuz! 7.2