標題: 陳豪知Aimee着細碼 [打印本頁]

---

作者: lwl2007    時間: 2011-9-23 20:03     標題: 陳豪知Aimee着細碼

甜蜜蜜的緋聞男女陳豪及陳茵媺（Aimee）早前情侶檔出席活動時似預演婚禮，但昨日則打對台各自搵食，雖然不同場，但二人皆心有靈犀為對方攞着數。

陳豪與陳嘉桓昨午為鞋履品牌擔任模特兒，陳豪在台上不時Chok樣，相當風騷，期間司儀指只要他開聲，大會將送女裝鞋給Aimee，陳豪只笑不語，但事後卻表示如果有一定會送給Aimee，他又醒目地說：「佢着細碼！（會唔會幫佢買內衣褲？）啋！咁私人，自己買啦！」問到何時娶Aimee？陳豪說：「唔急，你哋仲急過佢媽咪，媽咪都未催婚，依家大家係開心階段，唔好逼我，阿彌陀佛！」

祝福共諧連理

同一時間，Aimee、王浩信及女友陳自瑤為另一鞋履品牌行騷，大會亦特別送男裝鞋給Aimee，着她送給「另一半」，還祝福他們「共諧連理」。事後Aimee也不避嫌說：「唔知啱唔啱佢尺碼，要打電話問吓佢。（叫陳豪攞啲折扣畀你？）好提議喎！打電話畀佢先。（陳豪似默認咗你嘅女友身份，你畀番個名分佢？）叫佢陳Mo囉！（暱稱係乜？）唔講得畀你知。」

此外，王浩信與陳自瑤感情穩定，王浩信坦言有計劃明年結婚，現徵求驚喜的求婚伎倆。

                                                                                                                                           
陳豪不時Chok樣，相當風騷。


                                                                                                              
Aimee不清楚陳豪鞋碼，笑言要致電查詢。


                                                                                                              
王浩信徵求驚喜的求婚伎倆，計劃與陳自瑤結婚。


                                                                                                              
陳嘉桓為品牌擔任模特兒。

---

歡迎光臨 小花俠論壇 (http://disanna.com/)

Powered by Discuz! 7.2