小花俠論壇 - Powered by Discuz! Board

標題: 楊汀叮搜羅健康甜品 [打印本頁]

作者: lwl2007 時間: 2011-9-24 16:44 標題: 楊汀叮搜羅健康甜品

藝人創業愛鎖定甜品舖，貪其回報率高，王祖藍、谷祖琳便是圈中成功例子。眼見珠玉在前，年紀輕輕的楊汀叮亦嚷着要加入「甜之達人」行列，嗜甜如命的她中學時期已學整甜品增值，閒時更愛四處搜羅吃不胖的甜品推介親朋，汀叮的甜品格言是「最緊要新鮮！」

o靚模Angelababy師妹楊汀叮，中學時期已愛上網搜羅食譜，親自炮製美味甜品餽贈親朋，先後靠自學炮製「紐約芝士蛋糕」、「Tiramisu」及「朱古力曲奇餅」，汀叮笑言曾誤墮甜品陷阱慘變肥妹：「嗰時屋企有個焗爐，我就搏命咁整甜品，由於第一個製成品已經獲各界激賞，所以我好似上咗癮咁不停係咁整，停唔到手。雖然我啲甜品大部分送畀人食，但自己都難免食埋一份，所以嗰陣我重咗十幾磅，仲膽固醇偏高添！」

學整結婚蛋糕

曾因吃過量甜品影響健康的汀叮透露，當年曾因模特兒工作及健康問題戒吃甜品，還足足長達兩年之久，直到她發現原來甜品也可以吃不胖時，才放心再度大開食戒：「我鍾意周圍搵啲好味同得意嘅甜品，依家啲甜品好健康，主要材料都係生果、抹茶同紅豆，呢啲全部無損健康。」

再度迷上甜品的汀叮，去年更找來私人導師教整結婚蛋糕及Cup Cake，問到是否為將來結婚「鋪路」，汀叮否認：「我學嚟送畀朋友之嘛！我試過為咗整個蛋糕送畀朋友，用咗八個鐘，上面有好多立體玫瑰花裝飾，雖然整得好辛苦，但見朋友收到時咁開心又好滿足。」她又笑言甜品材料「最緊要新鮮」：「尤其整Tiramisu，因為材料係生雞蛋，所以更加要新鮮同衞生，如果唔係食咗好易肚屙。」

對廚藝有信心

堪稱甜品專家的汀叮，這天便膽粗粗衝入甜品舖試整曾經Hit極一時的雪花冰，除了刨冰過程較為雞手鴨腳外，其餘過程都有板有眼，獲師傅封為「甜品達人」。對廚藝滿有信心的汀叮表示，曾想過開甜品店，原因是她與好友Baby經常夜收工：「我哋每日收十二點幾，好難搵甜品食，所以有諗過自己開，開到凌晨三、四點最理想，哈哈！」但後來因發現經營方面有很多實質問題要顧慮，最終才決定放棄。

嗜甜如命的汀叮，最愛上網搜羅甜品食譜。

汀叮細心炮製「榴槤雪花冰」，製作時手勢很純熟。

汀叮表示甜品材料最緊要新鮮。

咖啡果凍伴炭燒雪芭（B）$28

雪糕涼粉西瓜盅（A）$38

炮製「榴槤雪花冰」大功告成，汀叮開心得高舉勝利手勢。

杧果糯米卷（三件）（A）$22

鴛鴦糊（腰果加芝麻）（A）$22

歡迎光臨小花俠論壇 (http://disanna.com/)