標題: 結婚請栢芝？婷婷等霆鋒發落 [打印本頁]

---

作者: lwl2007    時間: 2011-9-24 17:10     標題: 結婚請栢芝？婷婷等霆鋒發落

古天樂（古仔）、謝婷婷、名模Jocelyn及松岡李那等前晚出席手機派對，古仔因受腳傷困擾，繼續以拐杖協助行路，幸有望兩周後復原：「依家日日做物理治療，做啲宣傳工作輕鬆少少先，10月就要即刻開工，年底前要完成兩部戲！」提到早前被傳與「地下女友」秘婚，他說：「唔係事實唔回應！（幾時先係事實？）我都好想知，親戚朋友都冇追問我，今次真係唔係事實！（有冇女友？）私人事唔回應！」

至於婷婷則透露快將放1星期假，有意跟男友安志杰出外旅行，並計劃考潛水牌。提到她日前表示有意於2013年舉行婚禮，屆時只招待家人及親戚，問到「前阿嫂」張栢芝會否獲邀？她說：「唔知呀！等哥哥（謝霆鋒）選擇啦！佢鍾意啦！（搵姪仔Lucas同Quintus做花仔？）好主意喎！」
                                                                                                                                                                                                       
婷婷見古仔撐着拐杖赴會，不禁當場O嘴。

                                                                                                              
松岡李那甜美動人，簡簡單單已很Sharp！

                                                                                                              
名模Jocelyn與老公Anthony拍拖撐場。

---

歡迎光臨 小花俠論壇 (http://disanna.com/)

Powered by Discuz! 7.2