標題: 李妮冧老公鮑掂！ [打印本頁]

---

作者: lwl2007    時間: 2011-10-1 13:46     標題: 李妮冧老公鮑掂！

前亞姐李妮婚後積極行善，閒來愛親自下廚整兩味冧老公，兩夫妻還齊齊拜師學整鮑魚，增加生活情趣！識飲識食的李妮，平日最愛搜尋冇味精美食，以「有營食物」綁實老公個胃！

李妮現為博愛醫院副主席，除了熱心慈善外，大部分時間均放在家庭，專心照顧老公。雖然過着少奶奶生活，但李妮閒來愛下廚炮製愛心美食綁緊老公個胃！正所謂要綁住一個男人，就要先綁住他的胃，難怪婚後恩恩愛愛！

原來李妮煮得一桌拿手小菜，全憑李媽媽用高招氹她入廚：「細個唔願入廚房、去街市，媽咪好聰明，會話好攰、隻手好痛，等我自動自覺陪佢去街市，之後入到廚房，媽咪又好聰明只係叫我睇佢煮餸，我見到佢身水身汗，就忍唔住會幫手，結果就學識煮餸。」

蒜頭必殺技

有多年入廚經驗的李妮，煮餸秘訣全靠蒜頭：「我炒餸一定落蒜頭，唔單止增加香味，仲可以殺菌。」其撚手小菜包括芹菜生炒雞、煲翅湯、肉餅和鮑魚：「之前我同老公跟一哥（楊貫一）學整鮑魚，好開心得到佢嘅真傳！有時喺屋企請客，朋友都讚好味。」為了綁實老公個胃，她還會訪尋營養食物，最緊要冇味精，不會食壞人。識飲識食的她，除了品嘗名貴美食外，連鹹魚及涼瓜都食得津津有味。
                                                                                                                                            
李妮為氹老公，經常親手炮製愛心美食。

                                                                                                              
有豐富入廚經驗的李妮，手勢有板有眼！

                                                                                                              
愛吃鮑魚的李妮，識食又識煮！

                                                                                                              
李妮食得津津有味，一副滿足的樣子！

                                                                                                              
香煎馬友鹹魚 （A）$165

                                                                                                              
堂灼響螺片32両連殼（A） $2,460（二位用）

                                                                                                              
西班牙橡果豬扒（B）$380

                                                                                                              
燒雞（B）$180（半隻）

---

歡迎光臨 小花俠論壇 (http://disanna.com/)

Powered by Discuz! 7.2