昨日山聰在查小欣節目的電話訪問中,首次開腔承認是當事人,但聲稱實屬誤會,想向伍詠薇公開道歉:「嗰日同朋友慶祝生日時飲醉咗,玩Truth or Dare(不講真心話就要被罰的遊戲)輸咗,要同一個朋友絕交,所以即時打畀伍姑娘(伍詠薇),因為以為佢玩得。我一開始同佢講『以後唔好再搵我!』,點知佢話『好呀!』就Cut線,再打畀佢已經冇聽電話,第二日一瞓醒睇微博,又有記者打畀我先知出事!(點解唔即時回應?)諗住過兩日先搵佢,但佢都冇聽電話,所以想公開同伍姑娘講對唔住。其實我唔知點算,咪搵小欣姐商量,最後畀個機會我喺節目道歉。」