標題: Ana R.鼓勵JC：好快冇事 [打印本頁]

---

作者: lwl2007    時間: 2011-10-17 17:33     標題: Ana R.鼓勵JC：好快冇事

Jessica C.捲入疑似淫照風波成為全城熱話，身為好友兼師姐的名模Ana R.鼓勵她想法子減低傷害性，更自爆曾被男友要求拍床照！而名模諸葛紫岐卻認為唱K比拍床照更刺激！


名模Ana R.及諸葛紫岐昨日在沙田馬場行騷，剛由澳門工作返港的Ana，對於好友兼同公司的Jessica C.（JC）捲入疑似淫照風波，她說：「我唔知咩事，亦都冇睇過啲相，唔知要講咩好，只可以同佢講我好愛佢，會好快冇事。我好快會聯絡佢，知佢依家為一部動作片忙緊。（點教佢面對呢件事？）我冇呢方面經驗，佢要盡量睇吓可以做啲咩去減低傷害。」

諸葛唱K仲刺激

Ana直言過往曾被要求拍床照：「我從來冇影過，我好保守傳統，要拖手一個月先可以Kiss，我會慢慢嚟，唔介意約會。」近日自爆和奧地利男士交往的她，笑言大家可稱呼男方為Mr.R：「佢好好，好尊重我，大家仲係朋友，要慢慢睇清楚了解。交往咗兩星期，感覺心花怒放！」

另外，指JC是受害者的諸葛自言決不會拍床照：「男友好傳統正直，最多只會拍Kiss Kiss相，唔會有嗰種相。（有人覺得影床照刺激？）唱K都可以好刺激，兩個人開心同相愛已經夠刺激。」陳法拉曾自言夠惡故未被要求拍床照，問到是否認為她很惡，諸葛說：「佢嘅嘢我唔回應，唔想惹是非。媽咪、男友個個都對我好好！」至於有傳男友薛嘉麟的Neway卡拉OK將部分客人列入黑名單，她表示不清楚，認為無論正面負面新聞都可當作宣傳。而有男友的莊思明昨日表示雖未能確認淫照中人是否JC，但為對方感到不值，當初願意拍照全因相信對方，如今被出賣定很痛苦。至於JC雖然還未正式回應疑似床照事件，但她在Twitter上談及電影話題，看來心情已平復不少。
                     
JC涉盜竊案又有疑似淫照流出，心情難免低落。（資料圖片）

                                                                                                              
Ana R.談到好友JC捲入疑似淫照風波時一臉關切。

                                                                                                              
莊思敏（左起）、諸葛紫岐及陳嘉桓盛裝打扮配合活動主題。

---

歡迎光臨 小花俠論壇 (http://disanna.com/)

Powered by Discuz! 7.2