標題: 張栢芝三母子泰Happy [打印本頁]

---

作者: lwl2007    時間: 2011-10-18 17:07     標題: 張栢芝三母子泰Happy

張栢芝日前趁有假期，決定帶同兩子去泰國旅行享天倫，不料返港時遭雜誌媒體無禮追訪，栢芝經理人直斥該雜誌罔顧小朋友安全！


張栢芝忙於在上海與章子怡及韓星張東健拍新片《危險關係》，但每當有假期，她便會當上「空中飛人」，爭取時間返港陪兩名兒子Lucas及Quintus。
日前，栢芝趁有數天假期再飛返港湊仔，適逢Lucas就讀的學校放中期假，她即決定首度帶同近一歲半的Quintus一家三口到泰國遊玩。以往栢芝只帶Lucas出埠，因Quintus年紀還細未能同行，令她經常心掛掛，如今Quintus已漸漸長大，十分健康，還會自己落地行，故今次可跟隨母親及兄長一同搭飛機。

返港遭粗暴喪閃

今次泰國行，栢芝為兩名兒子特別安排室內遊樂場等適合他們遊玩的地方，雖然泰國發生水災，但栢芝下榻的酒店遠離災區，故未受波及，三母子愉快度過一個小假期。前晚三母子返港，栢芝一手拖着Lucas、一手抱着Quintus步出機場，卻被雜誌記者無禮地瘋狂拍照，栢芝經理人周小姐怒斥該採訪手法粗暴兼罔顧小朋友安全：「三個大漢圍住一個女人同兩個小朋友，係咁影係咁閃，完全唔理部大相機會唔會撞親小朋友，真係好離譜！希望有關媒體自律，畀啲空間栢芝同小朋友，佢哋只係想過小小嘅假期啫！」

對於昨日有消息指栢芝因養狗而令Lucas哮喘病發，其經理人說：「屋企都冇養狗，Lucas亦冇哮喘，咁樣詛咒一個小朋友，有冇搞錯！」

另外，有報道指栢芝媽指狄波拉不是，栢芝媽昨日於電話說：「無聊嘢由得人亂寫。（偷聽？）唔講喇！」為栢芝媽的新居睇風水的麥玲玲說：「佢事事以個女為出發點。（佢力數拉姑？）當時我哋同好多人一齊，聽唔清楚邊個講，呢啲係佢同拉姑嘅事，留畀佢哋處理！」
                                                                                                                                         
穿上兄弟裝的Lucas（右起）及Quintus，跟隨母親栢芝去泰國的室內遊樂場。

                                                                                                              
由於泰國發生水災，故栢芝選擇帶兒子入住遠離災區的酒店。

                                                                                                              
栢芝工作多多，一有空檔即湊一對寶貝仔到外國度假。

---

歡迎光臨 小花俠論壇 (http://disanna.com/)

Powered by Discuz! 7.2