身在尼泊爾出席嘉旺竹巴法王成立Live To Love慈善活動的鍾鎮濤（阿B）與女友范姜，昨日得知日本發生8.9級地震後勁震驚，法王隨即於當地時間下午五時召集二百信眾舉行祈福活動，阿B與范姜更跟法王率先到廟內祈福。
對於近年天災連連，阿B表示如法王所說應注意環保：「人類不斷破壞樹木、空氣同食水，對環境做成最大傷害，唔係用錢可以解決。（香港係福地？）真係唔知！地殼不斷變，依家有啲唔會地震嘅地方都震，所以要好好珍惜地球每樣嘢。」竹巴法王除了祈福外，亦會提到實際協助，如Live To Love在上次的印度地震亦有伸出援手，他說：「雖然我唔喺現場，但都聽到佢哋尖叫聲同痛苦，幾日後係我生日，生日願望係祝福災民，天災係訊息來驚醒我哋要及時補救。」另外，昨晚在香港舉行演唱會的王菲、老公李亞鵬、好友劉嘉玲、鄧麗欣與舒淇等先後透過微博轉發經文，為日本及雲南災民祈福。
鍾鎮濤誠心地為災民祈福，並寄語注重環保減少天災。
