標題: 「爆E超蓮」Iris 人工酒窩甜晒 [打印本頁]

---

作者: lwl2007    時間: 2011-12-17 12:54     標題: 「爆E超蓮」Iris 人工酒窩甜晒

胸模「爆E超蓮」鍾采羲擁有E級巨胸加貌似何超蓮仍嫌不夠，兩周前接受加工，在口腔內埋線，製造兩個「人工酒窩」，加添甜美感覺！


擁有35E逼爆上圍的鍾采羲（Iris），早前與名人寇鴻萍女兒唐貝詩攬啜而傳「斷背情」，因而人氣急升！向來作風大膽的Iris，日前與助手在銅鑼灣行街時，甫見記者時竟流露出前所未有的尷尬，先用手掩面，再搵口罩遮樣，一度想避走，及至發現愈走愈被影才停步！問到樣貌有所改變？最後她才除下口罩直認整容：「做得出唔怕認！我覺得刻意隱瞞好老土，認整容冇乜大不了！」

Iris直認兩個多星期前用口腔埋線方法，在左、右面頰各整了一個人工酒窩：「我由細到大都覺得有酒窩好靚，好Sweet呀！（好少人整酒窩喎？）整咗之後，玩厭咗可以拆，試吓都唔怕啦！（手術要幾耐？）45分鐘左右，喺口入面埋線，麻醉藥過咗好似剝智慧牙咁痛，仲腫咗幾日，連食嘢都有困難！」據知現時在港做相關手術，1粒酒窩收費約8千至10,000元。

獲唐貝詩讚靚

雖然痛苦一輪，但Iris坦言滿意效果，更獲不少朋友大讚，問到家人有何反應？她說：「媽咪眼甘甘望咗我幾日先發覺，成家人都冇反對！（唐貝詩知唔知？）知，佢仲話我靚添！（整容係咪想更似超蓮？）我唔似超蓮o架！不過有酒窩就真係Sweet好多，好多男仔都鍾意有酒窩嘅女仔o架！」
                                                                                                                                       
After
「爆E超蓮」最後坦承整了人工酒窩，更唧出笑容展現效果，大家點睇？

                                                                                                              
Before
Iris未整酒窩前，焦點難免落在身材上。 （資料圖片）

                                                                                                              
平日對傳媒勁大方的Iris，竟然再三迴避兼戴上口罩，令人起疑！

                                                                                         

---

歡迎光臨 小花俠論壇 (http://disanna.com/)

Powered by Discuz! 7.2