小花俠論壇 - Powered by Discuz! Board

標題: 杏兒踩高5吋碎大肚謠言 [打印本頁]

作者: 小魔女 時間: 2011-12-29 22:23 標題: 杏兒踩高5吋碎大肚謠言

出爐視帝鄭嘉穎、視后胡杏兒昨以情侶檔出席新店開幕禮，被傳「大肚」的杏兒特地束腰穿上五吋高跟鞋以行動粉碎謠言，在旁的嘉穎就調侃說：「我都有SMS問佢係咪真。」杏兒即時反擊說：「因為佢想生呀！」嘉穎惟有怪自己「衰多口」，互動甚有火花！
早前有傳剛奪視后杏兒懷有身孕，為高時錶行剪綵的她特穿上高跟鞋粉碎謠言：「我諗大家都唔會信啦。（Bosco同你一齊睇醫生？）其實嗰日係坐順風車，我寒咳咗幾個月，聽朋友介紹去睇中醫，我都估到畀人影到一定會問呢條題o架喇，總之我應承大家，如果我有咩人生大事都會話畀大家知！」
變化多跟唔切在旁的嘉穎插嘴說：「其實我都好八卦，都有SMS問佢係咪真，係就恭喜晒！」杏兒聞言不禁反擊說：「因為佢（嘉穎）想生呀！」因近日不斷有報道指他「翻啅」佘詩曼及周麗淇，自言「未有人」為他生仔的嘉穎投降說：「唉，我衰多口。（咁有冇翻啅？）報道好變化萬千，我都跟唔切，總之同大家都係朋友。」

杏兒與嘉穎昨日為錶行擔任剪綵嘉賓，更一起祝酒。

杏兒榮升視后後否認身價暴漲。
近日有指嘉穎高價拍攝內地劇集，成為新一代吸金王，杏兒亦大讚他是「超級筍盤」，嘉穎只說價錢滿意，是否半年賺二千萬？他說：「嘩，咁一年咪賺成四千幾萬？咁我做幾年就唔使做o架啦喎，小弟都在努力中。」
踢爆唔使交稅嘉穎是怕被稅局追稅？杏兒即踢爆他說：「佢都唔使交稅，唔係喺香港賺嘅唔使交o架嘛？」嘉穎即時面露尷尬「補鑊」：「交稅係應該嘅，總之我好抵用o架！」杏兒亦乘機否認得視后後身價幾級跳，但希望將來打開存摺時能「金光四射」。
有報道楊思琦於外地待產，杏兒恭喜對方，指有BB是開心事，做媽媽好偉大，要將一生時間奉獻。可有同Bosco傾過？杏兒說：「冇咁快講，我哋冇講呢啲！」嘉穎一向喜歡小朋友，表示會將儲起的手錶留給子女，杏兒即「抽水」說：「我祝福你，你好快有o架啦！」

歡迎光臨小花俠論壇 (http://disanna.com/)