標題: 周麗淇黃浩然為口碑「萬歲」 [打印本頁]

---

作者: lwl2007    時間: 2012-1-1 13:40     標題: 周麗淇黃浩然為口碑「萬歲」

由周麗淇及黃浩然主演的劇集雖被安排於PK（炮灰）檔播映，但無損眾人士氣，兩位主角前晚自掏腰包宴請台前幕後，預祝結局收視衝破30大關。

周麗淇（Niki）與黃浩然前晚以劇集《我的如意狼君》男女主角身份，在銅鑼灣設宴慰勞一眾台前幕後，出席者包括監製李添勝（添哥）、姚子羚及胡諾言等。雖然劇集播出後收視平平，平均只有廿五、六點，但備受師奶熱捧，眾演員對明晚播映的大結局充滿信心，Niki希望收視能過三十點：「添哥話呢個檔期係擇使啲，但唔緊要，都帶起到熱潮，成日聽到有觀眾講劇情。」而添哥早前曾炮轟劇集不受無綫重視，問到Niki有否慰問？她說：「添哥好直腸直肚，最緊要口碑好、多人睇。」

望結局破三十點

男主角黃浩然亦有信心結局收視過三十點，又指檔期安排並非演員能控制，他說：「添哥係咪忟我唔知，每個演員都想有好檔期，好在呢套劇反應好好，自己都好開心。」

至於添哥則笑言並非「好激氣」，但卻語帶晦氣說：「小問題嚟啫，呢啲檔期實係少人睇，一年有幾個檔期，聖誕、農曆新年同復活節都係少人睇，實有節目要出街o架，揀中我咪揀中我囉！幾廿年都食過好多次啦！」
                                                                                                                                         
主角周麗淇與黃浩然未因收視不佳而影響心情，兩人前晚豪氣地宴請台前幕後。

                                                                                                              
監製李添勝曾投訴劇集不受重視，但前晚所見，其怒氣已稍為平息。

                                                                                                              
同劇演員郭鋒（左起）、姚子羚及龔嘉欣一同出席飯局大擦一餐。

---

歡迎光臨 小花俠論壇 (http://disanna.com/)

Powered by Discuz! 7.2