標題: 拉姑笑晒：咩都開心 [打印本頁]

---

作者: lwl2007    時間: 2012-1-1 13:52     標題: 拉姑笑晒：咩都開心

謝霆鋒母親狄波拉（拉姑）昨晚與老公鬍鬚Kong現身中環，記者追問「鋒芝」復合一事時，拉姑即笑笑口說：「今日唔講呢啲嘢。（鋒芝復合係咪好開心？）咩都開心，日日都好開心。（佢哋進展如何？）唔知呀！不過見到佢哋身為爹哋媽咪，對兩個仔咁好就開心喇！」問到是否經常與孫兒見面，她高舉V字勝利手勢說：「成日都見到呀，佢兩個不知幾好玩，又得意。」
而栢芝媽咪在電話中說：「我唔知亦都冇問過，佢哋咁大個人！」霆鋒老友伍允龍表示不知情：「同佢有一排冇聯絡喇！（贊成鋒芝復合）我唔回應。」曾獲霆鋒充當牧師在紅館主持結婚儀式的郭偉亮（Eric）說：「你哋講我先知呢個消息。（戥佢哋開心？）冥冥中有注定嘅，如果真都係開心事。」栢芝的好姊妹、Eric老婆葉佩雯謂不知兩人復合消息，如果是真的，當然替他們開心。而梁漢文則甚為愕然，他說：「冇咩意見，佢兩個係成年人，會識得處理自己嘅幸福將來。」

                                                                                                                                     
拉姑經常與孫兒見面，開心晒V。


                                                                                                              
Eric與葉佩雯認為「鋒芝」復合是一件開心事。


                                                                                                              
栢芝媽


                                                                                                              
梁漢文

---

歡迎光臨 小花俠論壇 (http://disanna.com/)

Powered by Discuz! 7.2