標題: 左男右女好地地 死喇！多咗個鏗鏗 [打印本頁]

---

作者: lwl2007    時間: 2012-1-2 13:05     標題: 左男右女好地地 死喇！多咗個鏗鏗

多年來關於緋聞，我都好「專一」，女有王菀之、男有關智斌，對我嚟講，最難搞係突然多咗個許廷鏗！死喇！即刻唔識Handle。為咗呢件事，我親自打畀佢唱片公司高層Herman（何哲圖）解釋，坦白講許廷鏗係新人，仲係無綫嘅人，人哋好唔容易捧一個人出嚟，如果畀我搞喎，都幾大鑊！

自問要負責任

之後許廷鏗做雜誌封面，最尷尬其實唔關我事，但就大大隻字寫住「張敬軒」，個個就話我有位新緋聞男友。當時諗，我冇份又要埋單，仲係爭單埋嗰種？傳媒要我做回應。但諗深一層，當初唔係我將同佢嘅合照放上微博，就唔會引發咁多事，所以有責任回應嘅，惟有講啲傷害唔到當事人，又可以警醒自己嘅說話。


講實話，如果真係「有嘢」，仲點會影完張相放上微博咁蠢呀？我根本冇諗過有人會利用呢個Point炒作！總言之，我同鏗鏗呢次緋聞，幾無厘頭，純粹係一篇微博出事，仲要係我搞出嚟嘅微博，莫非男人黐親我都要死嘅？

                                                                                                                                           
軒仔的「緋聞對象」本來只有一男一女，卻因許廷鏗的「加入」而高呼大鑊！

---

歡迎光臨 小花俠論壇 (http://disanna.com/)

Powered by Discuz! 7.2