標題: 陳豪Aimee見家長 攬埋一舊 [打印本頁]

---

作者: lwl2007    時間: 2012-1-2 13:24     標題: 陳豪Aimee見家長 攬埋一舊

陳豪與女友陳茵媺前晚除夕以情侶檔出席倒數活動，煙韌迎接新一年；互頂冤家胡杏兒及黃宗澤雖然不同場出席活動，但揚言「唔排除夜啲見」，兩對情侶鬥晒恩愛！

陳豪與陳茵媺（Aimee）前晚到荃灣出席倒數活動，二人分別獻唱，玩遊戲時更徇眾要求攬攬，陳豪相當害羞，他說：「其實一齊做嘢都開心，係難得機會，意義重大，寓工作於娛樂，我媽咪都有嚟！（媽咪對Aimee印象點？）幾滿意囉！（2012年結婚？）呢啲慢慢嚟啦！」而Aimee弟弟早前來港，問到他對「未來姐夫」陳豪印象如何？Aimee即甜絲絲說：「細佬同咗阿Mo（陳豪）食飯、遊香港，去咗李小龍銅像影相，但細佬冇Detail講有咩感覺喎！」


杏兒夜會Bosco

另一Pair圈中情侶胡杏兒與黃宗澤（Bosco）則在荃灣區分開倒數，場地相隔只有五分鐘路程，杏兒說：「唔係刻意約，但唔排除夜啲見，佢聽日要開工。（想情侶檔出騷？）都開心㗎！我個價都唔係好貴。」Bosco則建議與杏兒情侶檔出騷日期：「就農曆新年啦！我哋收正常情侶檔價，我要努力搵錢，準備成家立室。」
                                                                                                                                            
怕醜情侶陳豪與Aimee公開攬攬，送大家一個Sweet到爆的新年禮物！


                                                                                                              
陳豪與Aimee手持花束，似足一對新人！


                                                                                                              
杏兒期待與Bosco孖住出騷，屆時可以情侶合唱。


                                                                                                              
Bosco與杏兒分開倒數，心有戚戚然，獻唱時七情上面。

---

歡迎光臨 小花俠論壇 (http://disanna.com/)

Powered by Discuz! 7.2