標題:
梁朝偉恨龍B恨出口
[打印本頁]
作者:
小魔女
時間:
2012-1-7 09:11
標題:
梁朝偉恨龍B恨出口
英皇電影《大魔術師》昨晚舉行首映禮，影帝影后梁朝偉、劉青雲及周迅均有到場。對於娛樂圈「爆發」龍B潮，偉仔以「中馬票」妙喻望「中獎」：「唔係我話想就想，我夠想中馬票啦！」儀式完畢後，嘉玲神秘現身，翹實偉仔入場睇戲，爭取時間溫馨一番，看來「中獎」在望！
梁朝偉、劉青雲、影后周迅、楊受成及導演爾冬陞等，昨晚到圓方出席英皇電影《大魔術師》群星首映禮，席間，「英皇慈善基金」捐出十萬港元予「願望成真基金」，助病童完成心願。
未知嘉玲送豪宅對於有指劉嘉玲送上價值逾二千萬人民幣的上海豪宅，讓北上吸金的偉仔「有頭住家」，偉仔冧爆說：「問番當事人啦。（你係枕邊人實知？）係咪驚喜嚟o架！畀你哋踢爆晒，唔好氹我啦。」多番強調不知情的他，笑指該層豪宅的「受益人」可能是外母：「應該係嘉玲自己喺上海換咗屋，佢媽咪都喺當地住，佢買畀我都未必住啦！」又說夫妻倆每逢佳節都會交換禮物，今年他送上「女人嘢」賀嘉玲生日。
嘉玲翹實偉仔入場，實行晒恩愛抗寒風。
右起：楊受成專誠到場，為偉仔及青雲打氣。
「英皇慈善基金」捐出十萬港元給「願望成真基金」，助病童圓夢。
經常北上吸金的偉仔，望農曆新年留港度過，更心思思如往年般赴日本滑雪，但又怕整親會影響工作，因為王家衛的《一代宗師》仍未殺青！
生BB一如中馬票談到娛樂圈掀生B潮，偉仔坦言一切隨緣：「唔係我話想就想，我夠想中馬票啦！」恨B恨到出口。儀式完結後，嘉玲靜悄悄現身，更翹實偉仔步入戲院晒恩愛，引起全場哄動，需出動保安維持秩序。
而青雲及爾冬陞剛從上海趕返港出席首映，青雲太太郭藹明稍後到場支持，至於稍後將往北京、上海及馬國宣傳《大》片的青雲，希望回港過春節，並已準備利是。對於有傳吳彥祖夫婦成功造人，好友爾冬陞表示已接獲「否認」短訊，大感失望。
歡迎光臨 小花俠論壇 (http://disanna.com/)
Powered by Discuz! 7.2
