小花俠論壇 - Powered by Discuz! Board

標題: 城城借綵衣示愛心中只有熊 [打印本頁]

作者: lwl2007 時間: 2012-2-22 20:56 標題: 城城借綵衣示愛心中只有熊

郭富城愛駒之名揭盅！他以其經典金曲《愛的呼喚》命名，而設計的騎師綵衣中央更印有一顆奪目「紅星」，似想向女友熊黛林表達「熊熊」愛意！

千呼萬喚，郭富城期待已久的愛駒日前抵港，早已透露打算以自己的金曲歌名為愛駒命名的他，昨晚出席活動時終於開古，最後以其90年代、由經理人小美填詞的經典金曲《愛的呼喚》為名，英文譯名為「Calling With Love」，打低《狂野之城》與《動起來》等多首金曲大熱勝出！

剛從泰國返港的城城興奮地接受記者恭賀榮升馬主之喜，提到愛駒之名更滔滔不絕地說：「個馬名好有意義，係經典金曲，依家將個歌名賦予愛駒，希望佢乖同聽話，唔只喺香港參賽，仲可以參加國際賽！我相信練馬師同自己眼光，希望佢發展好好。」

記者發現城城設計的騎師綵衣以黑紅色格仔為主，綵衣正中央印有一顆火紅星星圖案，眾多顏色中獨挑紅色，未知是否取其諧音，向女友「熊」黛林（Lynn）表達愛意！「愛的呼喚」現正跟練馬師另一隻一級短途馬「天久」做鄰居，城城笑說：「唔知佢哋會唔會交流心得，教佢跑快啲！希望愛駒將來可以好似『天久』咁叻！（幾時出賽？）未知佢跑短途定中長途，十個星期後先可以出賽，希望佢贏嘅！」講起拍戲，城城將飛往馬來西亞拍攝電影《A+偵探》，在戲中首次跟影帝張家輝合作。由於電影涉及大量動作場面，但他仍會親身上陣，難怪他直言要跟愛駒齊齊努力Keep Fit！

情人節「飾」做

另外，Lynn昨日碰巧穿上桃「紅」色谷胸裝出席珠寶系列活動。被問到城城有否送首飾？她表示最近收到吊墜，但拒透露何人送贈，只暗示城城於情人節後有補送飾物。談到城城的愛駒以其經典情歌《愛的呼喚》命名？Lynn說：「都幾好聽呀！一講實知係佢。（有冇畀意見？）我其實唔係咁好意思，因為我對佢歌名唔熟，最熟都係《三岔口》。」她還透露打算請家人到陽光與海灘的地方玩，記者笑言豈不是去城城正拍電影的泰國，可會順道探班？她說：「下個月佢都拍完啦！其實一直都想去泰國，父母未出過國，想佢哋玩得開心啲。」對於Lynn在情人節收到吊墜，城城搞鬼地否認是自己所贈：「咁好？不過真係唔係我送o架！其實送嘢好平常，唔一定要情人節先送！」

人逢喜事精神爽，熊黛林席上全程笑容滿面，十分「峰」騷！

城城為愛駒設計的綵衣中心有搶眼「紅」星，係咪示愛？心照啦！

榮升馬主的城城難掩興奮之情，主持揭幕儀式時High到爆！

熊黛林自爆城城情人節後補送飾物，但拒透露是否送吊墜。

歡迎光臨小花俠論壇 (http://disanna.com/)