標題: 馬浚偉暗寸無綫出手低 [打印本頁]

---

作者: 小魔女    時間: 2012-3-20 08:50     標題: 馬浚偉暗寸無綫出手低

馬浚偉與無綫脫離關係後，新劇除了被安排在「炮灰檔」播出，就連他在宣傳片內的出鏡率也被大幅刪減。已轉戰內地掘金的他暗寸無綫加薪幅度低，又表示在大陸再多拍幾套劇，已經夠錢買層樓。

馬浚偉在遊戲環節中輕易抱起鍾嘉欣。
馬浚偉昨日與鍾嘉欣、麥長青、胡定欣、蕭正楠和楊秀惠等宣傳新劇《當旺爸爸》。身為該劇男主角的馬浚偉在宣傳片的出鏡率少得可憐，明顯是與無綫脫離關係之故，不過他死撐說：「唔關事嘅，佢哋叫過我返嚟拍宣傳片好多次都度唔到期，之後會以嘉賓身份上無綫節目，19年都有啲唔捨得o架。」而《當》劇更被安排在復活節「炮灰檔」出街，馬浚偉竟沒有半點怨言：「今次唔算，九點半播幾好啦，復活節小事啦，之前新年、世界盃我都成日打啦，我好易滿足，畀個包、畀包奶我已經OK，今次係好檔期！」

昨日一眾演員宣傳劇集《當旺爸爸》。
加薪唔止500蚊
恢復自由身後的馬浚偉十分吃香，下月將開拍內地劇，酬勞高達六位數，他表示再多拍幾套已經夠買樓，又透露無綫、王維基及now也有接洽他。最近黃日華受訪時自爆當年無綫開出每年僅加薪500元的續約條件，問馬浚偉希望無綫加多少人工？他說：「大陸嘅人工已經好滿足，依家希望自由度大啲，傾部頭合約，講真無綫加得幾多，我諗有得加嘅，咁又唔會500蚊咁少。」
鍾嘉欣力撐公平
對於馬浚偉在片頭出鏡少，同場的鍾嘉欣則說：「我冇特登去數呀，公司好公平嘅，同埋啲片有我就有佢，邊Cut到。」其後麥長青又「偷襲」蕭正楠得手，將貼紙貼在「小楠」上。活動尾聲，將離巢的監製梅小青同樣感觸良多，眼紅紅與眾演員逐一抱抱道別。

---

歡迎光臨 小花俠論壇 (http://disanna.com/)

Powered by Discuz! 7.2