標題: 克勤重返無綫又近一步 [打印本頁]

---

作者: lwl2007    時間: 2011-5-29 14:08     標題: 克勤重返無綫又近一步

李克勤前晚為Audi A6行政房車揭幕派對擔任表演嘉賓，因版稅風波而良久沒有踏足無綫的他，恨返娘家恨到出面，更隔空向無綫表心迹！

李克勤、文詠珊（Janice Man）、陳豪與楊怡，前晚在將軍澳邵氏影城出席《Audi A6行政房車揭幕派對》，四人均對集高科技與安全舒適於一身的A6心郁郁。有「無綫契仔」之稱的克勤，即使心儀靚車當前仍不忘向無綫示好，他說：「我對部新車好有興趣，以前嘅克勤追求速度感，但自從有小朋友之後，我揀車首重安全，不過我個仔只要部車有電視就得！（重踏將軍澳感觸良多？）我都好耐冇入嚟，好耐冇聞將軍澳陣味，感覺零舍唔同！（想返無綫？）我喺度諗，大會今晚搵我出席，呢度又咁近無綫，會唔會係又近一步呢？望就咁望，我已經好積極喇！但可能係我諗多咗！」

克勤透露與環球的合約即將完結：「續約機會都大。（繼續冇得上無綫？）咁一日未動筆，都有權搵第二個，多多少少都有其他公司搵我嘅，但經理人話交晒畀佢處理，叫我專心做好7月嘅演唱會。對我嚟講，呢個係人生大事，但我奇怪點解外間今次咁關心我嘅去向。a」

Janice Man愛飛車

至於外表嬌滴滴的Janice Man，原來很喜歡開快車，她說：「雖然我啱啱買咗架二手車，但呢個品牌我都好鍾意，唔知有冇折呢？我揀車求速度，試過借朋友架車開快車。（問黎明借？）未試過，都可以試吓，但我依家買車唔可以揀兩座位，因為要載埋父母。（索性買兩架？）咁我要努力搵錢！」她還否認赴韓整容的傳聞。

                                                                                                                                           
克勤在汽車派對上獻唱，贏盡掌聲！


                                                                                                              
夾在性感女模中間，克勤拘謹得雙手插袋。


                                                                                                              
Janice Man（左起）、陳豪與楊怡盛裝出席派對。


                                                                                                              
愛飛車的Janice Man心郁郁買新車，希望有折扣。

---

歡迎光臨 小花俠論壇 (http://disanna.com/)

Powered by Discuz! 7.2