每年寫真戰均出現連番惡鬥，o靚模為求突圍，寫真尺度愈玩愈激，包括陳靜儀（Mia）機械人上身玩胸誘、黃榕野外全裸及許穎中環晒股罅，結果Mia及黃榕的寫真被列為第II類不雅物品，禁在書展出售。
眼見一班後輩的寫真尺度意淫到頂點，寫真集前輩「警鐘胸」JC、DaDa及Jeana亦開聲鬧爆。曾拍攝全裸寫真相的JC，昨日在電話中勸o靚模別教壞細路︰「唔想評論太多，我冇資格去批評，但希望書嘅意識唔好影響新一代，唔好渲染裸露風氣！」
此外，JC昨午身穿開胸性感運動短裙出席活動，期間踩單車時差點走光，見她不時用手掩裙，而玩雙槓時裙身亦下滑，事後她強調已着打底褲︰「當大家望住我身體啲部位，已知出事。」
鬧市上演洗頭騷
正單身的JC表示平日會到會所的天台游水，更指不擔心被偷拍︰「做Model慣穿泳衣內衣行騷，反而擔心影到我冇化妝，唔想畀人覺得我真人唔靚。」
至於去年推出「不倒胸」寫真集的寸嘴模Jeana，昨日穿比堅尼於旺角鬧市為洗頭水品牌「LSnP」上演洗頭騷，吸引大批途人圍觀拍照。雖然Jeana下身圍絲巾，但上身卻不慎露出「缽仔糕」，對於o靚模全裸拍寫真，Jeana即誇張地「嘩」一聲：「咁激呀？可唔可以唔使錢睇o架？我唔想用錢買。」問到死敵許穎的寫真猶如鹹書，她暗寸對方抄「日本AV女優」，她說︰「可能佢喺日本返嚟啩？I don't know，日本出名係咩吖？我唔評論喇！」
另外，Jeana透露活動酬勞有6位數，更自爆背上傷痕是男友張柏文造成：「佢喺屋企開咗個櫃桶又冇閂到，我起身唔覺意就撞到！（同居？）一時時啦！」
「一個比一個奇怪」
而今年轉做才女攞正牌殺入書展的DaDa慨嘆，今年o靚模質素非常參差，卻「冇眼睇」，故決定後日書展開幕時飛往台灣出席電影節，更暗寸許穎和黃榕，她說︰「我自己會有堅持，唔可以冇美感，我唔覺得邊個係最Cheap，但有兩個全裸太過分，如果今年都脫，咁下年點算？宅男係鍾意可愛性感。」她更指Naomi的寫真小解相騎呢到爆︰「一個比一個奇怪！」
JC昨午出席活動，心情勁High！
穿比堅尼的Jeana，在旺角鬧市上演洗頭騷。
Jeana在現場派禮物，大受巿民歡迎。
轉做才女殺入書展的DaDa，慨嘆今年o靚模質素參差。