標題: 甄子丹體諒老婆暫停啤多件 [打印本頁]

---

作者: lwl2007    時間: 2011-7-15 19:41     標題: 甄子丹體諒老婆暫停啤多件

「宇宙最強」甄子丹育有一對寶貝仔女，卻恨生多個，但老婆汪詩詩呻苦，直言照顧兩個已夠辛苦，故暫停造人大計！

甄子丹昨日與太太汪詩詩拍拖出席《True Religion Brand Jeans專門店開幕活動》，同場還有Alice B.等女模。難得近日放假，甄子丹表示會增加親子活動：「呢排休息緊，多咗好多親子時間，遲啲會同老婆仔女去美國玩。（啲仔女咪好開心？）最開心係自己，有時間陪個仔踢波。（趁呢段時間造人生多個？）我就想，但太太話好辛苦。」

相處之道：唔好咁多計較

提到鋒芝婚變事件，曾與栢芝合作拍戲的子丹表示未有留意，與她亦沒有對手戲。問到夫妻相處之道，他透露最緊要有心：「用心去經營，唔好咁多計較、計算。（咁你啲錢咪畀晒老婆？）係㗎！自己啲零用錢都係啱啱夠食！其實都冇咩地方使錢，出街都係老婆畀，佢管財，所以佢好有錢！」

至於汪詩詩則表示很開心老公有時間陪一家人，但反而有點不習慣，還笑言老公在家可看到她有多忙：「我都好辛苦㗎！佢喺度可以見證啲小朋友嘅成長，陪佢哋踢波彈琴，我工作量都少咗。（佢話你唔想再生？）其實照顧兩個小朋友已經畀咗好多時間，兩個都夠，但都唔一定冇第三個嘅，未知！如果係想生女。（之前生James係意外？）唔係！奶奶話屬豬幾好，所以咪試吓，點知一試就有，我好安全嘅，唔會有意外！」
                                                                                                                                              
甄子丹愛錫老婆汪詩詩，故暫停造人大計，不想讓她太操勞。


                                                                                                              
Alice B.身穿露背裝出席，論性感程度冠絕全場！


                                                                                                              
低胸上陣的Jocelyn（右）合照時未見老公相伴，身邊換上靚女楊洛婷。


                                                                                                              
李蘢怡與楊崢齊齊着牛仔褲撐場，但略嫌上身太密實。


                                                                                         

---

歡迎光臨 小花俠論壇 (http://disanna.com/)

Powered by Discuz! 7.2