標題: 祖兒寸基仔呻完又做 [打印本頁]

---

作者: lwl2007    時間: 2011-7-19 21:08     標題: 祖兒寸基仔呻完又做

容祖兒、黃耀明及鍾舒漫等將參與《暗中作樂2011》聲演會，門票收益將撥捐幫助視障人士。問到有傳古巨基以八千萬續約英皇，祖兒抵死地說：「話佢直逼霆鋒嘛！古巨基成日話辛苦，做到腰骨痛，都係續約喎，即係好鍾意呢間公司啦！」

祖兒笑言永遠無法得到同等待遇，埋怨公司重男輕女：「我額頭鑿咗兩個字（意指英皇）、一個皇冠，從來冇其他公司搵我，可能知我合約有排未完，自己冇諗Ask For乜，我性格唔係咁，唔係貪心嘅人！（咁講唔驚基仔嬲？）唔驚，唔知點解好鍾意寸佢，我講事實啫。」而黃耀明則笑言公司懶惰，令其國語碟遲遲未獲批文，至今仍推出無期。
                                                                                                                                      
戴上眼罩的黃耀明感受視障人士處於黑暗中的滋味。


                                                                                                              
容祖兒（右）及鍾舒漫一同出席記者會。

---

歡迎光臨 小花俠論壇 (http://disanna.com/)

Powered by Discuz! 7.2