標題: 甄子丹乳宙最強 寸胸模造假 [打印本頁]

---

作者: lwl2007    時間: 2011-7-19 21:16     標題: 甄子丹乳宙最強 寸胸模造假

書展明日殺到，o靚模寫真亂舞，推出武學書的甄子丹看不過眼，大騷肌肉展示「乳」宙最強氣勢！他自言真材實料絕非靠到韓國加工，擺明暗寸胸模「造假」！

近年書展屢被露肉模「騎劫」，令不少文字工作者怨聲載道，希望跟「露模」劃清界線。身為「宇宙最強」的武打巨星甄子丹亦看不過眼，在將推出的武學書《甄功夫》中大騷巨胸及結實腹肌，擺出各款武打甫士，示範何謂「真材實料」靚身形，名副其實「乳」宙最強！問到操肌秘訣，子丹若有所指，暗寸一班疑似僭建物主：「我肯定呢樣嘢去韓國就做唔到啦！亦都唔係錢可以買得到，想身形靚絕對係『一分耕耘一分收穫』，仲有大係冇用，最緊要Shape靚。」他表示要戒食煎炸及肥膩美食，忍口十分辛苦。

子丹還透露新書集合中西及古今的功夫概念，早前特別到少林寺取景，希望可將功夫進一步推廣，問到預期銷量？他說：「冇所謂，出書唔係為賺錢，收到版稅都會捐出去，最想更多人知到咩係功夫！」

Annie G.籲師妹收口

最近被指疑似僭建的o靚模中，何佩瑜（Jeana）可謂「人氣」最強，經常被其他o靚模互攻，如今除了被前輩子丹暗寸外，連同門師姐Annie G.亦看不過眼！昨日，Annie出席時裝活動負責打碟，她表示怕Jeana口臭，遲早惹來血光之災：「我唔出寫真喇！太多假嘢！唔係假就係墮！我鍾意天然，Hidy幾好。（Jeana？）我唔鍾意石頭，太恐怖！（佢太寸？）要教吓佢，驚佢得罪人畀人打！」

許穎加入聲討行列

參加寫真戰的「葛女郎」許穎（Phoebe）昨日出席寫真電子精華版活動，認為Jeana「唔太討人喜歡」，並質疑對方打假波：「未摸過但好異常，瞓喺度應該郁，但佢冇！（驗佢個胸？）未掂過假嘢，都想摸。（互驗？）搵第三者做好啲。」另一「參戰者」李蘊表示同樣收到Jeana的擂台邀請，但無暇出席，又指跟對方不是朋友。她透露會踩入書展見Fans，並舉行海陸空宣傳活動。
                                                                                                                                           
Jeana獲女粉絲豪訂二十本寫真集，令她感動又開心。


                                                                                                              
許穎身穿背心晒料，質疑Jeana假大胸，又斥對方擺擂台很無聊。


                                                                                                              
甄子丹在武打書中打到飛起，相信能吸引大批捧場客。


                                                                                                              
甄子丹晒結實靚肌，誰「乳」爭鋒！


                                                                                                              
李蘊處下「峰」，打算舉行海陸空活動力谷寫真。


                                                                                                              
Annie G.叫Jeana收聲，避免得罪人而惹禍。

---

歡迎光臨 小花俠論壇 (http://disanna.com/)

Powered by Discuz! 7.2