標題: DaDa趙碩之交換寫真槍口對外 [打印本頁]

---

作者: lwl2007    時間: 2011-7-27 22:07     標題: DaDa趙碩之交換寫真槍口對外

寸嘴o靚模何佩瑜（Jeana）四圍辣火頭令今年寫真戰變得激烈。昨日Jeana死敵陳靜（DaDa）及趙碩之（Wylie）藉交換寫真時，聯手唱雙簧反擊！DaDa寸爆Jeana講嘢唔經大腦，碩之則嫌棄Jeana的「一蚊雞」寫真。齊以低胸裝拋胸亮相的DaDa與碩之，問到是否聯手抗衡對頭人Jeana及Hidy（余曉彤）時？DaDa說：「唔係專登搞對抗，今日係書展最後一日，希望人人開心。（叫對方收聲？）把口生喺佢度，係佢個人嘅自由。

DaDa直指Jeana說話不經大腦：「我又唔覺得佢係是非精，佢都係宣傳寫真啫！但係我都好佩服佢嘅勇氣，佢啲說話都幾傷害人，都唔經大腦去講，應該分析多啲！」而碩之則拒絕和Jeana交換寫真：「無需要換囉！都唔係等價交換，我本又送DVD、頁數又多，真係好抵買，好似佢嗰本團購只係一蚊喎。（希望明年少點是非﹖）唔同人有唔同宣傳策略，呢啲係新人嘅宣傳方法，不過我出年都應該唔出寫真，希望搞唔到我啦。」

                                                                                                                                             
趙碩之不屑與推出團購「一蚊雞」寫真的Jeana交換作品。


                                                                                                              
趙碩之（右）與陳靜均盡騷事業線並交換寫真。

---

歡迎光臨 小花俠論壇 (http://disanna.com/)

Powered by Discuz! 7.2