標題: 莊思明講風涼話拋波 [打印本頁]

---

作者: lwl2007    時間: 2011-8-2 12:59     標題: 莊思明講風涼話拋波

港姐季軍莊思明昨日與14位候選港姐進行保齡球友誼賽，穿低胸裝的她碌Lane時輕露本錢，搶晒師妹「峰」頭。

昨日14位候選港姐打扮密實出席保齡球友誼賽，師姐莊思明（Lisa）竟換上低胸裝落場，她笑言並非存心搶鏡：「今日好熱！（即係師妹發冷？）咁佢哋仲選緊，衣着有一定要求，等師姐涼吓啦！我上年臨決賽嗰個禮拜日練夜練，時間表排到好密，今年就可以純欣賞。（睇好邊個？）(6)梁麗翹淡定又得體、(7)胡中慧個樣似楊采妮、(8)蘇文幾大方。（唔鍾意是非佳麗？）有留意新聞，但唔會影響我嘅評價。」

蔡慧欣奪人生第一獎

比賽期間，打出全中而被選為「突出表現佳麗」的(13)蔡慧欣，與(3)許亦妮、(5)朱晨麗、梁麗翹及胡中慧同時被選為網上投票「最具冠軍相佳麗」最新五強，蔡慧欣說：「今日係人生第一次得獎，好感動！入到網上五強好開心，決賽多咗信心。（決賽攞獎會點？）會喊！」

許亦妮則口快快表示覺得沒有勁敵，但之後補鑊說：「每一個都有機會，都質素好，我信心OK。（傳你一定冇獎，簽無綫做藝員？）寫啫！我信命數，唔擔心，都想入行，但完成比賽先。」

                                                                                                                                       
莊思明穿低胸裝打保齡球，成功放「峰」抖涼。


                                                                                                              
網上五強之一的胡中慧，碌Lane姿勢十足。


                                                                                                              
蔡慧欣奪「突出表現佳麗」獎，揚言是其人生首個獎項。

---

歡迎光臨 小花俠論壇 (http://disanna.com/)

Powered by Discuz! 7.2