咱是陳小肥

本帖隱藏的內容需要回復才可以瀏覽

咱是陳小肥

240/297686

又到講故時間　．．．　提多次　．．．　故仔黎　ja，咪個當真呀。

本帖隱藏的內容需要回復才可以瀏覽

咱是陳小肥

241/300168

師兄繼續話：出街做野，送付文件，會按遠近津貼交通費若干；

本帖隱藏的內容需要回復才可以瀏覽

咱是陳小肥

242/302497

有個阿嬸係度做緊清潔。

本帖隱藏的內容需要回復才可以瀏覽

咱是陳小肥

243/303630

師兄睇佢面口，知條細路唔服。

不過費　Q　事理佢，畢竟只係雞毛蒜皮咁大　ge　事。

細路神魂都未定，重糾纏係幫人有無錯　ge　問題。

師兄就已經遞左份薯仔文俾細路。

細路拿住份野望下。

再兩眼茫茫，一臉無辜咁望住師兄。

細路：　．．．　．．．　．．．

師兄：一陣同事返齊，有人帶你架啦。

呀，重會帶你去做埋宣誓　．．．　．．．　．．．

細路當堂如遭雷殛　．．．　宣　．．．　．．．　．．．　誓　．．．　．．．　．．．

細路：宣咩誓呀，做咩要宣誓呀，宣誓做咩。

師兄一邊飲茶一邊答應：講過你聽，你又唔識，做俾你睇，又好辛苦。

咱是陳小肥

244/305551

細路：下　．．．　．．．　．．．

本帖隱藏的內容需要回復才可以瀏覽

咱是陳小肥

245/309930

翌日，晨雞咁早，細路就返到寫字樓。

本帖隱藏的內容需要回復才可以瀏覽

咱是陳小肥

246/317422

原來，師兄文俾細路份薯仔係收樓告票。

閃縮哥琴日帶左細路去現場，由細路親手送達份告票過被告同將份告票貼係出入口。

跟住，就返律師樓，幫細路打左份送達文件宣誓書；由細路宣誓確認：於某時某地親手送達左份告票過被告。

之後，帶細路去第間律師樓宣誓，再到法庭存檔個份宣誓書。

話口未完，閃縮哥就俾左三蚊細路：哪，琴日　D　車錢同雞腳　(雞腳即係下欄，總言之係　D　古怪錢啦)。

細路心想，咁就三個銀錢，師兄真係無老點喎。

講清楚之後，閃縮哥就為人為到底，鬆章鬆隻西，詳詳細細將個行頭　ge　規矩、工作、古惑野同避忌過比細路。

咱是陳小肥

247/322061

閃縮哥話：... ... ...

本帖隱藏的內容需要回復才可以瀏覽

咱是陳小肥

248/325946

細路：哦。

閃縮哥：遲下學埋打字，就要自己打誓章架啦。

細路：哦；不個唔識喎。

閃縮哥：唔識打字咪用兩隻手指羅；誓章有版你抄。

註：其實，閃縮哥　ge　問同事、問行家、借師傅完全無錯。

對於新入行　ge　人黎講，的確係一個唔錯　ge　起步平臺。

然而，久而久之，就會衍生過份倚賴同事、行家、師傅　ge　弊端；往往係就咁搬字過紙，同埋指其然而不指其所以然。

因而，局限了思維，局限了變化，局限了進步；同埋，好多時，一份錯，就份份跟住錯。

正所謂：水於舟，可載可覆。

細路聽完當堂鬆曬；另一方，瞭解自己不足之處同埋知道想係哩行 wan 食，應該要點做。

咱是陳小肥

249/328786

第日，閃縮哥繼續大細路遊花園。

本帖隱藏的內容需要回復才可以瀏覽

咱是陳小肥

250/336149

閃縮哥：醒目，今日蛇王帶你去食沙丁魚。

細路：正呀，正呀；出糧請返你呀。

閃縮哥：有話請你咩；你琴日都執幾炆啦，

．．．　正一風吹黃帝褲襠。

細路係度傻笑。

閃縮哥：算啦，講笑　ja；

．．．　當初入行，班老屎忽咪一樣輪住請新丁，

．．．　羅漢請觀音，有來有往嘛。

細路繼續傻笑。

閃縮哥：老屎忽請你啦，點話。

細路無出聲，

．．．　係個袋度羅盒黑貓出黎：老屎忽。

閃縮哥：細佬，有前途。

咱是陳小肥

．．．　係個袋度羅盒黑貓出黎：老屎忽。

咱是陳小肥

252/341717

閃縮哥：醒目，今日蛇王帶你去食沙甸魚。

細路：正呀，正呀；出糧請返你呀。

閃縮哥：有話請你咩；你琴日都執幾炆啦，風吹黃帝褲襠。

細路係度傻笑。

閃縮哥：算啦，講笑　ja；當日入行；班老屎忽咪一樣輪住請新丁。

細路繼續傻笑。

閃縮哥：老屎忽請你啦，點話。

細路無出聲，係個袋度羅包黑貓出黎：老屎忽。

閃縮哥：細佬，有前途。

個日，細路第二次飲下午茶，第一次食沙甸魚三文治。

佢真真正正發現，有一個充滿未知　ge　世界，係佢前面等緊佢落搭。

咱是陳小肥

253/346967

由個日開始，細路就好似一塊海綿，重係好口渴　ge　海綿　．．．　

本帖隱藏的內容需要回復才可以瀏覽

本帖隱藏的內容需要回復才可以瀏覽

咱是陳小肥

254/348291

話說，細路天臺屋企附近有塊波地。

本帖隱藏的內容需要回復才可以瀏覽

咱是陳小肥

255/351414

洋人留意到細路　ge　變化；發覺細路唔知由幾時開始脫離街童行列；又唔再眼金金望住班童軍。

洋人又留意到細路好似不停查字典。

於是洋人搵機會搭細路訕；睇下有咩可以幫到細路。

洋人：年青人，你好。

細路：你　．．．　哈　．．．　哈路　．．．　

洋人：你溫緊書呀。

細路：惹　(yes)，惹薯　．．．　士突定　(studying)。

洋人：well, studying　．．．　but, this is not a book, it is a newspaper　．．．　

細路：路卜　(no book)　．．．　 得　paper。

洋人：點解唔去讀夜校或者英專呀。

細路：路　money　喎　and　驚跟唔上羅。

洋人：教你個口訣呀　．．．　come　來　go　去　jump　跳　run　跑。

細路：come　來　．．．　．．．　．．．　

如是者，補足三年，細路英文突飛猛進，特別係　ORAL；重要係上流社會　ge　language style　．．．　個　D　咩　AS YOU WISH　之類呢。

咱是陳小肥

256/353443

齋聽電話，會以為細路係洋人添呀。

至於點解細路同佢阿媽會搬左去洋樓住；且看小肥一一道來。

原來，二房東係法律承認，有正式　ge　法律名稱；叫做　主租客　(principal tenant)。

可以做乜，咩情況可以代位都有法律講明；個時有樣叫頂手費，有無聽過。

頂手費唔剩係用黎頂手人地間舖面、裝修、生財工具；有時重會愛黎買個二房東做架。

話說，天下無敵　ge　包租婆實在太天下無敵勒。

佢齋靠分租就已經盤滿缽滿；白得間房住之外，夠使夠用，重還有錢剩。

生活富足，自不然食得好，食得飽。

日積月累，自不然肚又滿，腸又肥。

個時，無話咩保健意識，三高警戒；只係知食得是福，唔怕發福。

咱是陳小肥

257/353976

某日，包租婆閒來無事，就打幾圈衛生麻雀。

其實，個朝，包租婆，佢起身見頭暈，maau 低見腳痺，上樓又氣喘；應該休息下而唔係圍埋括竹。

起個東之後，包租婆三圈都未開胡，條氣當堂 chok　到爆標。

打完個世尾，包租婆想話邪一邪佢，就藉口話煲鹿尾　“羊巴”　夠火侯，轉身就入左廚房食燉品。

慢慢食完盅好野，包租婆再慢條施理行返埋檯。

輕輕飲啖六安，嗽兩下個口，先打骰起庄繼續個北。

蝦，包租婆真係轉運勒，連庄幾舖，細係細　D，不過密食當三番喎。

打到一舖中段，包租婆十三么齊章竟然無眼喎；當堂火到黎埋。

越模，包租婆塊面就越紅。

對面個衰佬進勾跌左隻尾牌　．．．　嚇　．．．　紅　．．．　紅　．．．　紅中。

繼續模，包租婆塊面就繼續紅。

　

咱是陳小肥

258/357884

數下，數下，包租婆突然間發覺　．．．　隻尾牌應該係佢摸；佢塊面立即紅到想滴血咁款。

點知，下家上，對家碰，上家上，下家又碰　．．．　一連發生幾鑊。

包租婆跟住變化係度數牌，而塊面就跟住變色，時紅是綠。

好勒，剩返兩棟四隻；包租婆乜神都稟過，連易請難送　ge　屎坑三姑都叫埋。

包租婆卒之拿住隻紅中係手；但係，包租婆無留意自己塊面已經紅到發紫。

包租婆想出聲，其他人只係聽到包租婆話　．．．　鐘　．．．　鐘　　．．．　鐘　．．．　

對家個衰佬話：鐘咩呀鐘，中風呀　．．．　

話口未完，包租婆就僊左落地，兩眼翻白，流曬口水。

下家個師奶就夾住包租婆隻中指：靈靈性性，唔好攪佢啦。

上家個留產士就話：鬼整羅，好　ge　唔靈，醜　ge　靈咯；佢真係中風呀，該煨羅。

Bee　Boo　Bee　Boo　Bee　Boo　．．．　．．．　．．．　

寫到哩度，唔使問阿貴都知包租婆撻皮啦；陰功，重要係長撻個隻添。