謝安琪帶女賞月失望而歸

東方不敗

  囡囡怕見陌生人，一臉不悅。

  一家三口去賞月      
    謝安琪帶女賞月失望而歸
    謝安琪（阿Kay）自從三月生完細女張靖(Karina)後，一直專心在家相夫教子，鮮見於幕前。老公張繼聰忙拍電影，阿Kay前晚唯有自己帶住囝囝張瞻和半歲的Karina一齊參加屋苑中秋迎月晚會，不過由於現場人數越來越多，Karina竟然“怕生保”而暴哭，令阿Kay只好帶同囡囡急忙回家。
    阿Kay在facebook表示：“一開始狀態不錯腳仔撐撐有啲威勢，誰不知當越來越多鄰居過來打招呼合照，妹妹就開始喊喊了！我立即一個箭步同哥哥妹妹二人避到樓梯頂，以為遠離人群妹妹就會平復心情，咁我就可以繼續同朋友吹水吹風兼賞月，可惜我嘅如意算盤今次打唔響，妹妹遠遠望住人群仲係覺得驚驚，表情楚楚可憐仲一臉無辜，我都唔忍心要佢久留。我唯有叫哥哥自己同朋友留低繼續玩，我就要同妹妹先行回家，結束歷時十分鐘嘅賞月初體驗。”
    阿Kay又透露兩兄妹性格大不同，“哥哥半歲時已經好識社交，妹妹遲啲可以向哥哥拜師學習社交技巧！”