麥貝夷Sell靚聲拒行Yumi舊路

lwl2007

趙碩之師妹麥貝夷（Karene）今年殺入樂壇，身形高挑的她拒行性感，主力Sell青春及靚聲，對於有指她取代被雪藏的師姐尹蓁晞（Yumi），她說：「公司同老闆（林建名）畀咗好多機會我，不過我同Yumi唔同路線，我唔係行性感，要露都唔輪到我！」

Karene外表斯文，但提起中學往事，讀女校的她原來亦曾頂撞老師：「學校幾嚴，有次度校裙長度時爭半吋而畀人鬧，我就同老師嗌交！」大學主修英文系的她曾於補習社工作，期間被學生整蠱，才明白做老師之苦：「新一代好難教，有時啲學生好冇禮貌！」
                                                                                                                                           
麥貝夷有模特兒身材，加上靚聲，望於樂壇突圍。


                                                                                                              
Karene（後右一）表明與Yumi（左一）路線不同，無意行性感。