甜蜜的回憶泉記喳口窄

綿羊

李文娟

泉記老舖位於澳門老街區 年近九十的陳金鳳 陳金鳳每日都到泉記巡舖 陳金鳳老當益壯，常為坊會做義工。 一碗喳凝聚幾代人心血 泉記舖面簡單而整潔 放學時份擠滿了買夾餠的顧客 泉記糖水品種不多，屬傳統粵式糖水。

甜蜜的回憶泉記喳口窄 在澳門，有所謂“土生菜”，遠道而來的葡萄牙人以南歐菜的做法，結合東南亞的香料、廣東菜的食材而產生的“中西合璧”的菜系，葡國雞、豬扒包都很出名，甜品呢？喳，也應該算是其中一種。 講到食喳，澳門老街坊都會首先想起一個名字：“喳泉”。 話說好多好多年前，“喳泉”的老闆吳泉推住木頭車走街串巷賣蔗、賣橙、賣糖水。這糖水就是喳，後來還多了芝麻糊、杏仁糊。芝麻糊、杏仁糊都是用大石磨、用人手推磨出來的。負責磨芝麻磨杏仁工作的，就是人稱“喳婆”的老闆娘陳金鳳了。 憑着一碗喳，兩夫婦養育了十三個兒女。上世紀六、七十年代，政府整頓街頭小販檔，不少昔日走街串巷的車仔檔紛紛轉變經營模式，位於亞豐素街的“泉記”老舖亦於此時正式開張。“喳婆”說：“我哋七一年買舖、七二年開業。”算起來，亦是四十幾年歷史的老舖了，還未計算以前“行街”的歷史呢！ “喳泉”吳泉早於一九九七年離世，今年已八十九歲的“喳婆”陳金鳳仍舊每日到“泉記”睇舖，幫手執拾這執拾那的，一刻都冇停手。最厲害的是，“喳婆”每日巡過舖後，就會到新橋坊會幫手做義工，“三十幾年啦！我做義工。”她笑笑口說，（專家說多食糖對身體唔好喎？）“不要聽專家亂講啦，你睇吓我，八十九歲啦！” 如今，“喳婆”的六女和孻仔仍在舖頭幫手，女兒主力照顧舖面賣糖水，細仔主力做“泉記”另一招牌出品“夾餠”。早上舖面還會賣早餐，下午幫襯食糖水的人較多，到了放學時段，舖頭門口買夾餠的排成人龍，兩個人忙裡忙外，眞可謂“忙到踢晒腳”。 夾餠是泉記另一招牌出品。據說每日只做一桶粉漿，賣完了就冇；而且是即叫即做，更即打一隻新鮮雞蛋攪粉漿。用炭爐烘成的夾餠鬆軟香甜，兼有一份牛油的酥脆口感，眞箇是想食就要趁早了。 觀乎泉記的出品似乎不算多，除了招牌喳，還有芝麻糊、綠豆沙、腐竹水、湯圓等，都是一年四季冷熱皆宜的傳統廣式糖水。大多舊街區老店舖多有“貴精不貴多”的想法，這也不失為一個長做長有的方式。正如“喳婆”話齋：“我的糖水食大幾代人了，人客多是舊街坊，移咗民都尋返來食呀！” 做訪問的時候，剛巧有一家三口幫襯買糖水，“還要不要碗芝麻糊？”“要！阿仔的至愛呀！一見到就認得，就只係講芝麻糊，其它乜都唔要！”“食得多芝麻糊，生仔都順啲呀！”“係呀係呀，我眞係生佢生得好順呀！”一問一答，聽落好似在“做媒”，實情是一段講者無心聽者有意的街坊對白。 幾次開口請敎“喳婆”做靚喳的秘笈，佢都耍手擰頭，說：“我唔識點煮！”有否想過做成品牌生產？又係耍手擰頭：“唔旨在賺錢囉，仔孫都大晒啦，過吓日辰啫。”會唔會賣舖嘆世界？都係耍手擰頭：“唔會！一定唔會！”或者，老人家眞的要應驗一個眞理：天行健，君子自強不息。人是如此，老舖亦如此。