阿B捱眼瞓陪女游水

小魔女

  阿B有女萬事足

  阿B細心教幼女游水



      
    樂做廿四孝老竇
    阿B捱眼瞓陪女游水
    周
日便是一年一度父親節，有四個子女的鍾鎮濤(阿B)，近年經常四圍飛工作，跟仔女相處的時間愈來愈少。不過，雙方關係依舊親密，而他的女友范姜先後為他誕
下囡囡鍾懿和鍾幗，為了不想錯過她們的成長過程，阿B往往寧願犧牲搵錢和休息的時間。好像日前，兩個女兒專程到惠州探爹哋班時，阿B捱眼瞓也堅持陪囡囡游
水，享受親子樂。
    近年阿B經常飛來飛去工作搵銀，好像最近便返內地惠州拍攝新戲《東成西就2011》，通告排得密麻麻，有時候每日只得幾個鐘頭睡覺。但當他見到兩個女兒出現眼前時，即露出滿足的開心笑容。鍾懿和鍾幗見到爹哋亦馬上大發嬌嗲，要阿B陪她們一同游水。
    雖
然阿B前一晚才拍通宵，但一聽到囡囡的要求，捱住眼瞓都陪她們游水，享受親子樂。阿B坦言：“其實我都係呢幾年先開始接番一些去外地逗留比較長時間的工
作，佢哋細個時，我唔會接呢類工作的，因為我唔想錯過看着佢哋成長嘅過程。”不過阿B雖然現在經常出埠工作，但仍堅持每天通過視像電話跟囡囡見面。
    至於大女嘉晴和兒子嘉浚，阿B表示兩人已經長大，不過仍會盡量與他們保持通電話。記者問他想收到甚麼父親節禮物，阿B謂：“只要見到四個仔女開心，就係我最大的父親節禮物。”