寫真場上心理變林莉驚摺埋

lwl2007

「性感女神」在不同年代有不同意義，同是80後的趙碩之及林莉，同因出寫真集被封為「性感女神」。兩人今年首度在寫真戰交鋒，但心情各異，趙碩之一副戰鬥格，林莉直言世事難料，以平常心應戰。

擁有五呎十吋身高的「港版林志玲」林莉（Carrie）港姐出身，有美貌、長腿、更有一頭長髮，加上願意性感出擊，獲封「性感女神」，去年推出寫真集，令她一度成為人氣王，她揚言在七月寫真戰中要有新突破，希望在芸芸模中突圍而出。然而Carrie卻不決意挑戰寫真女王寶座，相反卻是一派悠然，完全沒有鬥心參與寫真戰，訪問中她多次慨嘆「幾時摺埋都唔知」，如此Hea玩心態是否自信心失衡？她大力否認：「我好Enjoy依家嘅工作，但係唔會計劃太多將來，呢一行太多變數、競爭又大，時代唔同、標準唔同，以前行Catwalk起碼要五呎十一吋，依家五呎八、九都冇問題，惟有做好自己繼續上。」

轉「形」受阻

她又說：「我知今年寫真集競爭好激烈，對手好多，但我本寫真想玩另類效果，營造電影感、有環保Feel，至於性感尺度冇上年咁勁，我覺得又影性感太悶啦！成個巿場都係呢啲嘢，一來寫真作新嘗試對自己都有新鮮感，二來對其他買嘅人都有更多選擇。希望七月推出時可以對寫真巿場有個新衝擊。」她更不介意慢工出細貨，即使趕不及於七月推出也不成問題。

此外，Carrie也想在外形上作轉變，但卻遇上阻滯，她說：「之前睇高圓圓套新戲，佢因為失戀剪短頭髮，感覺好清新，自己突然有呢個念頭，我小學開始就未試過短頭髮，不過都係諗諗吓，公司同我講：『你剪咗唔使接Job啦！』講到咁我都唔敢轉髮型。（係咪感情出問題要剪短？）唔關事啦！」早前Carrie被拍得與舊愛兼經理人Bolie撐枱腳，兩人還親暱地餵燒肉，問到感情進展如何？她不願多講：「都係咁，都係繼續Keep番，冇新進展。」

冇諗嫁富豪

對於寫真戰，她採取持久戰策略，毫不心急，但感情路上，已屆三字頭熟女之齡的林莉，渴求長久關係，揀男友她目標明確：「要有責任感、家庭觀念重，財政方面，唔需要富豪，但要有經濟基礎，因為我想要小朋友。」屢被傳黐富豪兼拜金的她重申：「我冇夢想嫁富豪！」至於高度方面不是問題，Carrie絕不介意與「矮男」拍拖：「經驗話我知呢個唔係問題，有啲仲好Proud of女友咁高。（冇得小鳥依人？）咁可以借位，我腳長，坐喺度唔覺太高。我拍拖嘅時候係個小女人，可以好嗲，適當嘅時候會畀佢話事。」

她更不諱言現在有不少追求者：「有人追，但唔覺成籮囉！（十隻手指數得晒？）絕對數得晒！」她坦言在感情路上，不計冇拖手、冇咀嘴的Puppy Love，只愛過三次：「我細個老老土土，唔會隨便開始一段關係，驚後悔，依家諗番應該試多啲！」

後記：女神的難題

與林莉傾談過的人都知道她聲線柔弱，所以即使高人一等，亦不覺有壓迫感，反而覺得她非常嬌嗲，她說：「朋友覺得我好有親和力，覺得我冇乜攻擊性，鍾意同我傾偈，不過唔知點解做嘢嘅時候好似畀唔到人親切感。」
                                                                                                                                              
氣質美女林莉有興趣剪去多年長髮，不過暫時得個諗字。

                                                                                                              
Carrie與家人感情非常好，早前復活節一家人到北京旅行。

                                                                                                              
今年Carrie將再度投身寫真戰，與一眾模特兒硬碰硬。