娜姐師妹Hidy寫真盛惠千六

lwl2007

o靚模個個「事業（線）深重」，單靠美好身材打寫真戰，實難言勝！身為周秀娜師妹、有「濕身徐子淇」之稱的余曉彤（Hidy）則擺脫「Cheap」的形容，將於在書展期間推出寫真集加送平板電腦，以「貴盡o靚模界」做噱頭。

周秀娜與Angelababy等避席今年寫真戰，其他嫩模胸模扭盡六壬，誓要凸圍而出。繼娜姐師妹、「嫩版范冰冰」何佩瑜（Jeana）在寫真彈出「血管胸」後，同門的Hidy不僅玩事業線，更以「貴盡o靚模界」寫真做噱頭，大膽標價1,600港元，擺明搶錢！

雖然Hidy貌似「千億新抱徐子淇」，寫真更遠赴天靈島取景，大玩濕身誘惑，但她自知只得32B上圍，難與乳牛級對手匹敵，遂諗計轉玩「高科技」，決定標價1,600港元推出終極豪華版寫真，比128港元的普通版足足貴12.5倍。據知，Hidy夠膽Set高價，「豪華版」當然內有乾坤，除了寫真書外，還附送以Hidy命名的平板電腦「H!dypad」及特製保護貼，相當揼本。

賣一本等於人十本

記者致電Hidy，問到會否擔心寫真太貴而滯銷？她說：「從來冇咁諗，平板電腦已經成為潮流，喺寫真史上真係開創先河，依家我賣一本等於人哋賣十本，依家所有人都煩緊銷量問題，不過我唔怕，重質不重量！」對於單飛處女寫真如此揼本，她說：「其實有好多贊助，平板電腦仲有廠商為我度身訂造，我都諗住送本畀Jeana，但驚佢要倒送十本畀我，真係冇位擺！」

反觀硬銷事業線的Jeana，寫真大騷「血管胸」，零售價為128港元，對於被暗寸要倒貼十本寫真送給Hidy，Jeana繼續辣火頭說：「多謝佢送畀我，但我擔心唔夠書送畀佢囉！依家喺公司忙緊設計同印刷，最驚補唔切貨。」似乎對自己的寫真集銷量充滿信心！

$1,600包啲乜？現年23歲的余曉彤（Hidy），憑32B、24、35均稱身材，有機會突圍推出個人寫真《夏日阿彤夢》，其中終極豪華版內附寫真書一本（價值128元）、平板電腦一部（價值1,500元）、底面特製保護貼（價值200元）及贈送一系列Apps；是否抵買，實屬見仁見智。

                                                                                                                                        
「濕身徐子淇」Hidy今年單飛出寫真，不容有失。


                                                                                                              
自知不是波濤洶湧一族，Hidy做笑女冧宅男。


                                                                                                              

                                                                                                              
Hidy（右）與Jeana出戰寫真戰，同門都冇情講。