高海寧姦戲斬件得9秒

小魔女

高海寧在新劇的被姦戲備受宅男Fans期待，但前晚播出時她的「大玉背」離奇失蹤。昨晚在法庭上再以回憶方式播出，兩集播出約9秒，無綫絕對有「斬件」谷收視之嫌，但她坦言看回強姦戲時邊睇邊喊！
高海寧（高Ling）在無綫劇《法網狙擊》中的被姦戲劇照曝光後，成為全城熱話，想不到平日上圍豐滿的她，連「大玉背」都咁多人等睇。但前晚播出的這場強姦戲，實在令宅男粉絲慾火熄滅，大感失望！不少網友指寧願睇陳煒其後的泳裝激咀戲。
邊睇邊喊
高Ling昨日受訪問時坦言有收看前晚那一集，更邊睇邊喊，她說：「睇嘅時候我好緊張，個心跳得好快，嗰種傷心嘅感受一次過湧晒出嚟！之後收到好多朋友、同事嘅短訊，微博仲有幾百個留言，壓力都好大！（期待有突破嘅收視？）當然，呢場戲台前幕後都花咗好多心思。」
對於強姦戲被「斬件」播出，明顯想谷收視，高Ling表示此乃劇情需要：「咁樣剪輯我覺得好正常。（宅男Fans唔夠喉！）咁佢哋期望太高啫！」
而過檔無綫的陳煒穿比堅尼與郭政鴻的激咀戲，將於本月18日播出，她在電話中說：「自己拍時好舒服，同高海寧嗰啲強姦戲唔同，都希望會為劇集帶來高收視，但唔知監製點剪法，可能到頭來唔係咁多嘢睇。」
而劇中強姦高Ling的白健恩表示因要工作，前晚沒有收看：「觀眾有反應都係好事，我知高Ling嘅Fans都好戥佢唔開心，但呢個只係劇情，唔係真嘅。」