反寸師妹受寵 娜姐：人人想我死

lwl2007

近日遭師妹何佩瑜（Jeana）暗嘲年紀大的周秀娜，昨日以「蜜蜂Look」上陣，於旺角宣傳Motorola XOOM Wi-Fi，身穿低胸裝的她露出3吋事業線，輕易吸引大批途人圍觀，證明薑愈「露」愈辣！不過，由於音響發生問題，她在布景板後呆企10分鐘，相當無奈！最後要由舞蹈員幫忙打拍子，才能完成舞蹈表演。

「放條生路我行」

對於Jeana因暗寸她而遭公司照肺，娜姐直言不知情：「我唔想有是非！（覺唔覺師妹眼紅你？）唔覺！我知佢今年出寫真，不過我唔出，經理人應該偏心佢哋多啲！放條生路畀我行啦！人人都想我死！（邊個？）講笑咋！」她直認公司靠她賺錢貼師妹，不過自嘲並非天生麗質，故要似小蜜蜂勤力工作。她又大讚師妹靚，希望她們有好成績。

至於未來工作大計，娜姐說：「我會出手機Apps，用其他途徑搵錢！年底會拍動作片，我有泰拳根底，不過想學唔同嘅功夫，書展有人埋身，就可以一拳打爆佢！」
                                                                                                                                         
娜姐一副戰鬥格，師妹要挑戰有難度！

                                                                                                              
周秀娜難得現身鬧市，自然吸引不少人圍觀。

                                                                                                              
Jeana日前暗寸周秀娜年紀大，促她讓路。（資料圖片）

                                                                                                              
娜姐（後排左）表演跳舞，唔跳得都睇得！