楊愛瑾設計婚紗：明天就嫁

lwl2007

前Cookies成員楊愛瑾日前穿上大露背谷胸婚紗拍攝新一輯婚紗廣告，貪靚的她大方承認墊了缽仔糕，強調接受不到警鐘胸。

近年楊愛瑾（Miki）先後擔任多個品牌代言人及拍攝廣告，早前更成功以近七位數成為AF Elehance婚紗店代言人，更有機會圓夢設計名為「Loving Yeung」系列婚紗。Miki日前拍攝婚紗廣告，露完三吋深事業線，接住換上最新款婚紗露白滑長腿，她更應攝影師要求擺出多個高難度姿勢，老闆Angel亦現身打氣及監場。問到上圍是否加了缽仔糕？怕醜的Miki滿面通紅地說：「唔講，做番平時着衫最自然嘅一面，唔好問咁多啦！（試過墊幾個缽仔糕？）試過一次墊咗兩個，真係谷到上頸，好驚、好唔自然。（唔接受警鐘胸？）觀賞角度係幾靚，套喺我身上就唔好喇！」

圓設計夢出自家品牌

Miki承認穿上婚紗的心情特別緊張：「好似真係嫁咁。（有衝動？）有呀！明天就嫁，但未搵到伴侶。（距離結婚計劃仲要幾耐？）冇諗，搵到另一半先啦！」她更感激老闆給予設計機會：「佢都幾膽粗粗，我會將自己夢想嘅婚紗設計出嚟，希望結婚時可以着到。」

                                                                                                                                        
Miki透露夢想穿自己設計的婚紗出嫁。


                                                                                                              
Miki坦言抗拒警鐘胸，實在不習慣「裝假狗」。


                                                                                                              
Miki谷胸穿婚紗露出「罕有」的三吋事業線。