賈曉晨當面問杏兒係咪恰我

lwl2007

最後一集《魔法擂台》前晚邀得賈曉晨擔任嘉賓，有指她拍新劇時被胡杏兒「恰」，她不明白為何有此傳聞，更透露曾當面問杏兒「係咪恰我」。

經常邀請青春少艾作嘉賓的《魔法擂台》前晚錄影最後一集，邀得身材出眾的高海寧、賈曉晨及呂慧儀等擔任嘉賓。早前有報道指正拍攝《樂府藏龍》的賈曉晨（JJ）因被同劇的胡杏兒欺負而不愉快，她更於微博訴苦。JJ澄清微博所指的是關於母親來港時發生的一些小問題，否認被杏兒欺負：「雖然同佢唔係好好朋友，不過佢好有禮貌，唔知點解會有咁嘅報道。我仲走去問杏兒佢係咪恰我，佢都話冇。（驚唔驚佢嬲你？）我之後見到佢都會同佢講番，返嚟TVB都唔想有咁嘅嘢！」另有指因JJ經理人公司的老闆為陳國強，令她被杯葛，她說：「畀條生路行吓，做乜都畀人話。」

高海寧上圍縮水

另一嘉賓高海寧坦言近來瘦了十幾磅，問到上圍可有縮水？她說：「梗係有，連服裝間阿姐都問我點解細咗咁多。不過啲內衣仲啱着，冇細得咁誇張，唔使換晒佢。其實身材平均最緊要。」稍後將擔任無綫動漫大使的她表示不介意性感：「仲未知造型。（男友介意性感？）我都冇男友，唔使擔心呢啲嘢！（乘機出寫真？）冇人提議過，公司都冇講過，呢啲都係留畀後生女啦！」
                                                                                                                                          
賈曉晨否認被胡杏兒欺負，更大讚對方有禮貌。

                                                                                                              
羽翹開懷大笑，身旁的呂慧儀亦受感染。

                                                                                                              
《魔法擂台》煞科，主持及嘉賓大合照留念。

                                                                                                              
高海寧因瘦了十幾磅而上圍縮水。

                                                                                                              
「有料之人」呂慧儀封胸露肩，同樣迷人。

                                                                                                               胡杏兒被指拍劇時欺負JJ。