澳紐騷High過頭 Eason火燒褲襠險變熟蛋

lwl2007

陳奕迅（Eason）上周到澳紐舉行三場巡迴演唱會，為帶給歌迷新鮮感，髮型師特別為他設計綠、黃、橙三種顏色的螢光頭。個唱期間，Eason唱到興起忘記走位，慘遭煙火噴褲襠，嚇得全場人士目瞪口呆！幸好「小Eason」冇事，他急急報平安：「冇事！我只係感覺到好熱同好多煙，當時我太投入喇！」曾樂極生悲搞到「爆蛋」的Eason還抵死地說：「如果真係褲襠爆煙花，我估我唔可以唔叫救命。」

對於有指因疲勞過度搞到聲帶有事，Eason承認帶病上陣，但否認是聲帶問題：「因為撞啱澳洲秋季，一日之內經歷四季嘅氣溫，所以唔小心搞到感冒，好彩工作人員介紹咗支咳藥水畀我，飲完喺台上飄飄吓，唱歌仲好有Feel。」並感激歌迷支持：「大家睇到話我病嘅報道，即炸爆我個Facebook，仲搞咗個反我工作群組，大家心意我全部收晒！」

                                                                                                                                          
Eason被煙火噴褲襠，幸好未有受傷。


                                                                                                              
Eason澳紐騷唱到趴地兼派吻，High足全場。


                                                                                                              

                                                                                                              
Eason多個特別螢光頭，夠晒Sharp醒！


                                                                                                              
Eason落台與粉絲近距離接觸，慘遭狂扯。