Phoebe抄娜姐舊露博入影壇

lwl2007

年度「球壇盛事」書展寫真戰七月展開，舊一代「肉」女黃榕、「葛女郎」Phoebe與冬甩妹Alina亦加入戰團，戰況勢必「峰」起雲湧！Phoebe坦言出寫真望增加人氣，學周秀娜般露而優則演！

英超球季正式落幕，但在地球另一邊的香港卻有「球壇盛事」－書展寫真戰七月展開！今年「神級」周秀娜與Angelababy已上位挑戰大銀幕拒絕再玩，一班欠缺名氣的新女紛紛出招博突圍，其中Phoebe（許穎）、黃榕與冬甩妹Alina已蓄勢待發！

擁有34D的Phoebe今次請來日本攝影大師米原康正操刀拍寫真，穿上內衣及泳裝大玩「重要部位」特寫，挑戰Fans定力！米原曾為日本水着女星野亞希及周秀娜拍照，愛玩「肢解」概念，但Phoebe表示絕對信任。對於「前輩」出完寫真後紛紛轉戰影壇，Phoebe也坦言羨慕：「最近拍《喜愛夜蒲》都要着T-back親熱，我唔介意着得少，但最緊要有發揮。（三級片？）我唔會限死自己！」不過，她昨日上載一張傷腳包紮相，原來穿高踭鞋行樓梯時拗柴。

至於年屆30歲的黃榕，眼見昔日好姊妹雷凱欣因拍三級片火速上位，亦不執輸與相熟攝影師拍寫真，大賣熟女誘惑，無懼與o靚模爭飯食！問到寫真集有何賣點？她說：「有賽車女郎Look同泳衣等，最激仲有半裸！（點贏啲後生女？）啲妹妹仔邊夠味道？我相信有人欣賞成熟美！」黃榕亦表示愛演戲，但不想倣效雷凱欣做三級女星：「呢個係佢選擇，但情慾戲或者意識大膽都可以，只要唔露三點！」

Alina預告真空上陣

另一o靚模組合冬甩今年加入三名新女，當中「E Cup官恩娜」Alina（何綽菲）成為隊中「峰」頭躉，預告真空上陣挑戰性感尺度！首次拍寫真的她甚有自信，完全不放勁敵陳靜（DaDa）及潘霜霜在眼內：「DaDa好可愛，但胸形唔靚，而潘霜霜係內地人，我係香港代表實有人撐！我個胸仲係真嘅！」

「葛女郎」Phoebe年齡：22歲

三圍︰34D、24、35

簡介：去年與歐陽曉彤推出電子版寫真集，曾參演賀歲片《我愛香港》及推出自家品牌。

「E Cup官恩娜」Alina年齡：20歲

三圍：34E、24、34

簡介：16歲入行曾任07及08年「亞洲遊戲展」Game模及拍攝潔面用品廣告。

黃榕年齡：30歲

三圍：32C、23、33

簡介：曾參與電影《九個女仔一隻鬼》及《百年好合》，現時擔任水着及內衣模特兒。

許穎內衣：Jolie Marilyn

黃榕、Alina泳衣：Roxy

                                                                                                                                              
Phoebe首次以個人姿態出寫真，盡騷34D身材吸客。


                                                                                                                 
Phoebe找來米原康正拍寫真，將重要部位「肢解」上市！


                                                                                                                
黃榕雖已屆「中女」，但「體」頭依然吸引！


                                                                                                                
黃榕表示今次寫真集以成熟為賣點，希望吸納老中青粉絲。


                                                                                                                
冬甩妹Alina預告真空上陣影寫真，有信心砌低強敵。