陳豪不想做世紀賤男

小魔女

陳豪擔心劇中角色影響形象

文詠珊與陳豪、楊怡一同出席車展活動。

李克勤仍等待重返無線
    陳豪不想做世紀賤男
    前晚，李克勤、陳豪、楊怡和文詠珊(Janice Man)為新車發佈會擔任嘉賓。
    最近陳豪主演的劇集《點解阿Sir係阿Sir》大受歡迎，但他因為在戲中欺騙鍾嘉欣的感情，而被網友封為“世紀賤男”。前晚問到他有何感受時，他說：“我拍戲以來，都未試過畀人指是‘世紀賤男’，因為在戲中從未呃過女仔，今次可謂第一次。(出街有否被人駡賤男或掟雞蛋？)又冇咁誇張，不過，大家睇埋個結局先啦，可能會對劇中的我改觀呢。到時唔止唔會擲雞蛋，可能仲會送花畀我。”
    楊怡亦不介意鍾嘉欣在戲中比她搶鏡，更力撑鍾嘉欣可憑《點解阿Sir係阿Sir》此劇封視后，更建議到時由陳豪負責頒奬。
    克勤好想返無線
    克勤最近和唱片公司已約滿，回復自由身。由於四大唱片公司與無線的版稅糾紛，他一直未能在無線的節目亮相，但前晚他接受訪問時，不諱言好想返無線。他笑言： “今晚活動地點離無線好近，唔知係咪又行近一步呢？我都想返TVB，但係經理人話留返畀佢哋處理，叫我專心做好演唱會同為新碟錄音就得。(會否同唱片公司續約？)機會都好大，始終大家合作愉快，不過一日未簽字都可以有變，我已交晒畀經理人去處理，總之有新進展會話畀大家知。”