Jeana唔服輸踩碩之墮胸

寫真戰7．20書展開鑼，o靚模各出奇招谷書！Jeana與趙碩之昨日首度交「峰」爆發口水戰；Donut與Fantasy派糖派套；「葛女郎」許穎則推出寫真精華電子版！

大戰前夕，o靚模裝「胸」作勢出招谷書，誓爭寫真女王之位！寸嘴何佩瑜（Jeana）早前隔空寸爆趙碩之，兩女昨日在《速食拉麵達人》活動首度交「峰」，Jeana穿吊帶背心谷「不倒胸」，碩之以低胸衫擠出深長「事業線」兼在肚臍位開窿。炮製食物時，她們俯身拋胸，碩之蕩漾程度稍勝一籌，還在兩場比賽中全勝，Jeana惟有在口水戰中還以顏色，寸爆對方「漏奶」是墮胸：「見過媽咪係咁，唔Firm，我唔鍾意墮。」她還介紹療程及建議碩之戴Bra。提到稱碩之老前輩，她稱兩人同場不尷尬：「都係一句！尊重佢！（叫佢老爺車？）比喻啫！佢講嘢太深，我唔明。（辣火頭？）我講嘢直，唔係辣人！（向碩之解釋？）有打招呼，佢好好人好靚。（指佢岩石胸？）比喻佢似莎朗史東咁勁，可能佢Get錯。」

送賣剩蔗冇人吼

被寸墮胸及屆媽咪級的碩之即教Jeana「做人」：「佢組合入面都有媽咪級成員Mia，佢唔應該公開咁侮辱朋友。」對於被寸老前輩，她強調比對方早半年入行，年紀差不多，滿意身材的她毋須向對方請教美胸法，又暗寸對方有誇張的「不倒胸」才有自信。問到Jeana說話比她更激？她說：「我以前講嘢大膽係冇腦，佢唔係冇腦。（佢博宣傳？）自己有量度，對佢可以大量啲。（叫佢積口德？）口德係用經驗累積番嚟。」對於Jeana指賣剩寫真會送給她，碩之擺明不領情：「佢咁好賣就賣埋佢。（送本畀Jeana？）睇佢會唔會禮貌咁接受。」

至於o靚模組合Donut及Fantasy昨日上郵輪谷寫真，穿比堅尼上衣晒身材，問到大師姐Rainbow（胡心諾）有何攻勢？她說：「送吻怕混亂，會派糖，10個女仔各有10本獨立封面，限定100本，買齊10本會送iPhone套。」她指書中有出浴及全裸相。而Donut成員Elke寸爆Jeana重口味，非人人喜歡。

Phoebe認叻：我太強！

另外，許穎（Phoebe）昨日到旺角宣傳有聲有畫電子寫真，吸引半百人圍觀。她推出10多張寫真精華Apps，不怕Fans因而拒買寫真，自恃有日本著名攝影師米原康正幫手拍攝的她會踩入書展。談到Jeana未有寸她，她說：「唔知係咪怕咗我？可能我寫真太強。」