| 王家衛新片《一代宗師》昨晚在港舉行首映，被傳與他鬧不和的宋慧喬繼續缺席，劉嘉玲悉心打扮撐老公梁朝偉，同戲演員張晉則獲大肚老婆蔡少芬做「跟得夫人」，一雙雙亮相晒恩愛。忽傳情變的章子怡則因大會安排混亂而拒絕受訪。偉仔、子怡、張震及張晉由北京來港為《一》片宣傳，昨晚首映禮吸引沈嘉偉、邱淑貞夫婦、甘國亮等人捧場。這部拍攝期長達三年的「巨製」，剪輯工作完成片長仍有130分鐘，一眾演員佔戲比重自是焦點問題，有指宋慧喬因而與王導鬧不和，拒絕出席相關宣傳活動，不過昨晚首映禮上她亦以短片表支持。 問到二人不和傳聞，偉仔即幫口解畫說：「點會？其實每個演員都拍咗好多，王導有創作權利同選擇，好似我同佢合作咁多年，就算佢cut我嘅戲都唔可惜，因為佢一定有佢嘅原因。」 拍戲期間經歷種種辛酸，有指多次受傷及生病的偉仔在內地捐錢建神像求平安，他卻說冇印象：「可能係嘉玲之前捐落嘅。做善事要出心，有目的就唔係咁好。（仲傳嘉玲種咗棵姻緣樹？）咁得意？咁就唔知嘞。」偉仔繼續大吐苦水，更將自己比喻為「冇油的車」，說起碼半年不會接戲。 蔡少芬挺肚撐張晉與撒貝寧打得火熱的章子怡，近日每當提起男方甜笑回應，不過近日忽傳二人情海翻波，內地一名名叫齊虎的男士自稱是子怡舊愛，自爆曾找撒貝寧攤牌。撒貝寧昨在自己微博上張貼《一》片海報，隔空幫女友打氣，順勢澄清情變，至於在港亮相的子怡戴上De Beers Aura總重7卡、總值過百萬的鑽石耳環，事前承諾與記者做訪問，後因時間緊迫加上安排混亂，最終決定取消訪問。 蔡少芬（Ada）腳踏三吋高跟鞋翹實老公張晉亮相，早前她作小產，張晉表示早已沒事，但拒絕透露老婆懷孕多久。談到拍攝此片的艱辛，幸獲網民大讚其表現，張晉開心不已：「三年其實過得好快，我都有兩個小朋友嘞，如果王導再搵我合作，我都有興趣。」完成拍攝後他曾一度流下男兒淚，因捨不得角色。 | 
