何韻詩自去年底勇敢站出來高呼「我係同志」後，她昨日再度為「反性傾向歧視立法」發聲，更聯同黃耀明發起「大愛同盟」，成為首位出櫃藝人成立同志組織。對於被拍得在台灣與舞台劇演員鄧九雲當街擁抱，阿詩沒有否認或承認對方的女友身份，似有意將「詩九戀」明朗化。
何韻詩去年十一月在四千人前承認同志身份，即仆心仆命為「反性傾向歧視立法」發聲。早前阿詩出席台北宜蘭舉行的「金馬獎頒獎典禮」後，被傳媒拍得在緋聞女友台灣舞台劇演員鄧九雲台北寓所過夜，兩人更不避嫌當街肉緊擁抱。阿詩昨日與已出櫃的黃耀明、前電台DJ陳志全（慢必）出席「爭取性傾向歧視條例諮詢」記者會，吸引半百傳媒採訪。 當街激咀 其實借位對於被拍得與鄧九雲疑似當街激咀及抱抱，阿詩說：「冇乜好回應。」隨即否認咀嘴：「係借位嚟。」身旁的明哥即抵死地攬實阿詩說：「我成日都攬佢o架啦！」當問到鄧九雲是否阿詩女朋友時，她不否認兼不承認地說：「唔會特登每次影到我同邊個去回應，覺得好無聊，自己唔會特登去睇，有咩好回應呢？（咁係咪你女朋友？）唔會為每一個猜測作回應，咁私人問題，一向唔會去答，你哋鍾意點猜測就去寫啦！」似默認戀情。另外，近日網上瘋傳一張阿詩與鄧九雲在內地行街的「拍拖」照。 阿詩與明哥將成立同志組織「Big Love Alliance大愛同盟」，為同性戀者發聲，成為有史以來首個由同志藝人發起的同志組織。阿詩表示歡迎任何界別、專業人士加盟，她說：「不論同志或異性戀朋友。」而組織亦會在網上發起一人一相撐同志反歧視行動，問到組織未來實質計劃？阿詩說：「青少年工作坊、微電影、攝影比賽同大型音樂會，當中會搵演藝界朋友拍攝真實個案。」 健全社會 應有包容阿詩指一個健全社會應有包容，她謂：「我唔明白成日話唔歧視、唔反對嘅人，但佢哋唔能夠畀權利呢班人（指同性戀者），佢哋咁講好大矛盾！一個社會健全係應該有好多包容。」她續說：「點解我哋能夠理解你哋信仰，但係你哋唔能夠畀同樣權利去過我哋生活？呢個意見分歧係好難化解，可以畀番一啲最基本人權我哋。」 | 
